पोलिसांसमोरच तरुणावर प्राणघातक हल्ला, कळवा पोलिसांकडून तिघांना अटक

ठाणे : ठाणे येथील कोपरी भागात दहा जणांच्या टोळीने 18 वर्षाच्या मुलाचे अपहरण केले (Attack On Youth In Kalwa). त्याला कळवा मार्गे पळवून नेत असताना अपहरणकर्ता मुलगा रिक्षातून उतरुन एका इमारतील लपण्यासाठी पळून गेला. त्याचा शोध घेत असताना इमारतीमधील मुलाने अडवून जाब विचारल्यावर दोन गटामध्ये बाचाबाची होऊन चाळीस वर्षांच्या तरुणावर चॉपरने प्राणघातक हल्ला केलाय (Attack On Youth In Kalwa).

या तरुणावर ठाण्यातील खासगी रुग्णालयात उपचार सुरु असून कळवा पोलिसांनी या प्रकरणी तिघांना अटक केली आहे. हे सर्व आरोपी अल्पवयीन आहेत. 19 फेब्रुवारीला ही घटना घडली आहे. हा सर्व प्रकार सीसीटीव्हीमध्ये कैद झालाय. सर्वात धक्कादायक म्हणजे हा सर्व प्रकार पोलिसांसमोर घडलाय.

नेमकं काय घडलं?

ठाणे पूर्व येथील कोपरी परिसरात राहणारा हर्षद गायकवाड याचे पूर्ववैमन्यासातून कोपरीतील 10 जणांच्या गटाने अपहरण केले. त्याला कळवा मार्गे पळवून नेत असताना कळवा प्रशांत कॉर्नर नजीक हर्षेदने रिक्षातून उडी मारुन जवळच्या एका इमारतीत धाव घेत लपून बसला. त्याला शोधण्यासाठी रिक्षातील तरुण या इमारतीत जात असताना वॉचमनने त्यांना अडवले. त्यावरुन बाचाबाची झाली.

यावरुन इमारतीच्या काही तरुणांनी कोपरीच्या तरुणांना जाब विचारला. या वादातून दोन गटात हाणामारी झाली. यातून या इमारतीत राहणाऱ्या विराज परब यांच्यावर या तरुणांनी धारदार चॉपरने प्राणघातक हल्ला केला. विराज या हल्ल्यात गंभीर जखमी झाला. त्याला तात्काळ ठाण्यातील खासगी रुग्णालयात उपचारासाठी दाखल करण्यात आले आहे.

तिघांना कळवा पोलिसांनी अटक केल्याची माहिती पोलिसांनी दिली आहे. घडलेला सर्व प्रकार सीसीटीव्हीमध्ये कैद झालाय. सर्वात गंभीर बाब म्हणजे हा सर्व प्रकार पोलिसांच्या समोर घडल्याने आश्चर्य व्यक्त केलं जातं आहे. तर घटनेचा पुढील तपास सुरु असून या हल्ल्यातील इतर आरोपींचा कळवा पोलीस शोध घेत आहेत.

VIDEO | नांदेडमध्ये दोन गटात हाणामारी, तरुण गंभीर जखमी https://t.co/rgylRS6tsg #Nanded | #Violence

— TV9 Marathi (@TV9Marathi) February 24, 2021

Attack On Youth In Kalwa

संबंधित बातम्या :

कुत्रा चावल्याच्या रागातून कुत्र्याचा जीव घेतला, डोंबिवलीत आरोपी तरुणाला अटक

VIDEO | तडीपार गुंडाचा पुण्यात हैदोस, कोयता नाचवत दहशत पसरवण्याचा प्रयत्न