Video: बुलडाण्यात भीषण अपघात, कारच्या धडकेत मुलगा रस्त्यावरुन उडाला, जगण्याशी झूंज

बुलडाणाच्या मेहकर तालुक्यातील देऊळगाव साकारशा इथला 10 वर्षीय रुद्र बोराडे हा चिमुकला करवंड इथे गेला होता. त्यावेळी पॅसेंजर गाजीतून उतरल्यावर रस्त्या ओलांडताना भरधाव कारने त्याला धडक दिली. या धडकेत तो चिमुकला गंभीर जखमी झाला आहे. त्याच्यावर सध्या खासगी रुग्णालयात उपचार सुरु आहेत.

बुलडाणा अपघात

Reporter Ganesh Solanki | Edited By: sagar joshi | Updated on: Jan 27, 2022 | 8:50 PM

बुलडाणा : मेहकर तालुक्यातील (Mehkar Taluka) करवंडमधील एक धक्कादायक घटना सीसीटीव्हीत (Accident CCTV Video) कैद झाली आहे. एक 10 वर्षाचा चिमुरडा कारखाली येता-येता वाचला आहे. मात्र. कारची जोरदार धडक बसल्यामुळे तो चिमुकला गंभीर जखमी (Child Injured) झाला आहे. त्याच्यावर सध्या खासगी रुग्णालयात उपचार सुरु आहेत. ही संपूर्ण घटना सीसीटीव्हीत कैद झाली असून, हा व्हिडीओ पाहिल्यानंतर आपलाही थरकार उडाल्याशिवाय राहत नाही.

बुलडाणाच्या मेहकर तालुक्यातील देऊळगाव साकारशा इथला 10 वर्षीय रुद्र बोराडे हा चिमुकला करवंड इथे गेला होता. त्यावेळी पॅसेंजर गाजीतून उतरल्यावर रस्त्या ओलांडताना भरधाव कारने त्याला धडक दिली. या धडकेत तो चिमुकला गंभीर जखमी झाला आहे. त्याच्यावर सध्या खासगी रुग्णालयात उपचार सुरु आहेत. हा अपघात एवढा भीषण होता की कारने धडक दिल्यानंतर तो चिमुकला काही अंतरावर फेकला गेला.

व्हिडीओमध्ये नेमकं काय?

एक पॅसेंजर गाडी रस्त्याच्या कडेला येऊन थांबते. त्या गाडीचा ड्रायव्हर उतरून मागील दरवाजा उघडतो. त्यावेळी गाडीच्या मागून एक काळ्या रंगाची कार भरधाव वेगाने येत असल्याचं दिसतं. नेमकं त्याच वेळी एक चिमुकला त्या पॅसेंजर गाडीतून उतरतो आणि धावतच रस्त्या ओलांडण्याचा प्रयत्न करतो. मात्र भरधाव वेगात येणाऱ्या कारला त्या चिमुकल्याची एका बाजूने धडक बसते. त्यामुळे तो चिमुकला रस्त्याच्या एका बाजूला फेकला जातो. पॅसेंजर गाडीमधील अन्य प्रवाशांना काही कळायच्या आतच ती कार निघून जाते.

भरधाव कारच्या धडकेत चिमुकला जखमी, घटना सीसीटीव्हीत कैद. बुलडाण्याच्या मेहकर तालुक्यातील करवंडमधील ही घटना आहे. हा व्हिडीओ पाहिल्यानंतर आपलाही थरकाप उडाल्याशिवाय राहत नाही. @buldhanapolice1 #aacident #cctv #accidentvideo pic.twitter.com/Z3Ro7rHg9M

— Sagar P. Joshi (@spjoshi11) January 27, 2022