मुलीने आधी रेस्टॉरंटमध्ये पोटभर खाऊ घातलं, मग दारु पाजली, नंतर वडिलांच्या अंगावर रॉकेल टाकून पेटवून दिलं, थरार सीसीटीव्हीत कैद

मुलीने आपल्या वडिलांच्या अंगावर रॉकेल टाकून जाळून टाकल्याची घटना समोर आली आहे (woman burned her father after taking him out for dinner in Kolkata).

मुलीने आधी रेस्टॉरंटमध्ये पोटभर खाऊ घातलं, मग दारु पाजली, नंतर वडिलांच्या अंगावर रॉकेल टाकून पेटवून दिलं, थरार सीसीटीव्हीत कैद
प्रातिनिधिक फोटो
Follow us
| Updated on: Mar 23, 2021 | 4:15 PM

कोलकाता : पश्चिम बंगालच्या कोलकाता शहरात एक विचित्र घटना घडली आहे. एका मुलीने आपल्या वडिलांच्या अंगावर रॉकेल टाकून जाळून टाकल्याची घटना समोर आली आहे. संबंधित पित्याचं शरीर जास्त भाजल्याने त्याची जाग्यावरच मृत्यू झाल्याची माहिती समोर आली आहे. याप्रकरणी पोलिसांनी आरोपी मुलीला अटक केली आहे. विशेष म्हणजे संपूर्ण प्रकार सीसीटीव्हीत कैद झालाय (woman burned her father after taking him out for dinner in Kolkata).

नेमकं प्रकरण काय?

संबंधित आरोपी मुलगी ही कोलकात्याच्या पार्क सर्कस जवळ क्रिस्टोफर रोड भागात वास्तव्यास आहे. आरोपी तरुणी 22 वर्षांची आहे. तिने रविवारी (21 मार्च) रात्री आपल्या वडिलांना गोड बोलून रेस्टॉरंटमध्ये नेलं. तिथे तिने वडिलांना पोटभर जेवू घातलं. त्यानंतर वडिलांना तिने प्रचंड दारु पाजली. नंतर ते घराकडे निघाले. दरम्यान, वाटेवर तिचे वडील हुगली नदीच्या किनाऱ्यावर एका टेबलावर बसले. तिथेच त्यांना झोपही लागली. त्यानंतर मुलीने तिच्या वडिलांवर रॉकेल टाकले आणि पेटवून दिले. यामध्ये तिचे वडील होरपळून मेले.

घटना सीसीटीव्हीत कैद

हा संपूर्ण प्रकार सीसीटीव्हीत चोखपणे कैद झालाय, अशी माहिती पोलिसांनी दिली आहे. याशिवाय मुलीने आपला गुन्हा देखील कबूल केला आहे. मुलीच्या काकांनी तिच्याविरोधात पोलिसात तक्रार दाखल केली. त्यानंतर पोलिसांनी तिला अटक केली (woman burned her father after taking him out for dinner in Kolkata).

मुलीने वडिलांचीच हत्या का केली?

या घटनेनंतर परिसरात एकच खळबळ उडाली. मुलीने आपल्याच वडिलांची हत्या का केली? असा सवाल उपस्थित केला जातोय. दरम्यान, पोलिसांनी आरोपी मुलीची चौकशी केली असता तिने आपल्या वडिलांवर लैंगिक शोषण केल्याचा आरोप केला आहे. ती लहान असताना तिच्या आईचं निधन झालं होतं. त्यानंतर तिच्या वडिलांनी तिचं लैंगिक शोषण केलं. मुलीच्या लग्नानंतर संबंधित प्रकार बंद झाला होता. मात्र, मुलीचं लग्न मोडल्यानंतर ती तिच्या माहेरी आली. त्यानंतर तिच्या वडिलांनी पुन्हा तसं दुष्कृत्य करण्यास सुरुवात केली, असं आरोपी मुलीने पोलिसांना सांगितलं आहे.

आरोपी मुलीची सध्या चौकशी सुरु आहे. तिने सांगितलेली माहिती कितपत खरी आहे याचा तपास पोलीस करत आहेत. दरम्यान, कोर्टाने आरोपी महिलेला 29 मार्चपर्यंत पोलीस कोठडी सुनावली आहे, अशी माहिती पोलिसांनी दिली.

हेही वाचा : दोन दिवसांपासून कॉलेजमधून बेपत्ता, अर्धवट जळालेला तरुणीचा मृतदेह सापडला

Non Stop LIVE Update
काँग्रेस पक्षाला आयकरकडून नवी नोटीस, इतक्या कोटींचा ठोठावला दंड
काँग्रेस पक्षाला आयकरकडून नवी नोटीस, इतक्या कोटींचा ठोठावला दंड.
तर युतीतून बाहेर पडू पण उमेदवार मागे नाही, बच्चू कडू यांचा थेट इशारा
तर युतीतून बाहेर पडू पण उमेदवार मागे नाही, बच्चू कडू यांचा थेट इशारा.
हर्षवर्धन यांची नाराजी दूर होणार का? फडणवीसांच्या सागर बंगल्यावर बैठक
हर्षवर्धन यांची नाराजी दूर होणार का? फडणवीसांच्या सागर बंगल्यावर बैठक.
गैरव्यवहाराच्या आरोपात अजितदादांनंतर प्रफुल्ल पटेलांनाही दिलासा
गैरव्यवहाराच्या आरोपात अजितदादांनंतर प्रफुल्ल पटेलांनाही दिलासा.
महायुतीत जागा वाटपावरून तिढा कायम, कुठं अंतर्गत रस्सीखेच तर पेच कायम?
महायुतीत जागा वाटपावरून तिढा कायम, कुठं अंतर्गत रस्सीखेच तर पेच कायम?.
भाजपवरून शिंदे गटात अंतर्गत नाराजी,अनेक मतदारसंघ भाजपने स्वतःकडे खेचले
भाजपवरून शिंदे गटात अंतर्गत नाराजी,अनेक मतदारसंघ भाजपने स्वतःकडे खेचले.
शिवसेनेत गोविंदाची एन्ट्री अन् दादांचं 15 दिवसांपूर्वी वक्तव्य चर्चेत
शिवसेनेत गोविंदाची एन्ट्री अन् दादांचं 15 दिवसांपूर्वी वक्तव्य चर्चेत.
तर भाजपात पहिली उडी मारणारे सुनील तटकरे असतील रोहित पवार यांची टीका
तर भाजपात पहिली उडी मारणारे सुनील तटकरे असतील रोहित पवार यांची टीका.
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.