मंदिरात प्रवेशबंदी असतानाही दानपेटीवर चोरट्याचा डल्ला, चोरी सीसीटीव्हीत कैद

नागपूरच्या बेलतरोडी पोलीस स्टेशन अंतर्गत जयहिंद सोसायटीमधील हनुमान मंदिरात झालेल्या चोरीचा सीसीटीव्ही व्हिडीओ सध्या समोर आला आहे.

Nupur Chilkulwar | Updated on: Nov 06, 2020 | 4:29 PM

नागपूर : कोरोनामुळे राज्य सरकारने मंदिरे उघडण्यास मनाई केली आहे (Nagpur Robbery In Temple). त्यामुळे भाविकांना मंदिराच्या बाहेरुनच देवाला नमस्कार करावा लागत असला तरी चोरटे मात्र अगदी आरामात देवापर्यंत पोहोचत आहेत. एवढेच नाही, तर हे चोरटे लॉकडाऊनमुळे कुलूपबंद असलेल्या देवाच्या तिजोरीवर डल्लाही मारत असल्याची घटना समोर येत आहेत. या चोरट्यांचे कारनामे सीसीटीव्हीमध्ये कैद झाले आहेत (Nagpur Robbery In Temple).

नागपूरच्या बेलतरोडी पोलीस स्टेशन अंतर्गत जयहिंद सोसायटीमधील हनुमान मंदिरात झालेल्या चोरीचा सीसीटीव्ही व्हिडीओ सध्या समोर आला आहे. त्यामध्ये एक चोरटा देवाच्या समोर ठेवलेली दानपेटी घेऊन जाताना दिसतो आहे. विशेष म्हणजे चोरीच्या उद्देशाने मंदिरात घुसलेल्या या चोराने जरी देवाच्या समोर ठेवलेली दानपेटी लंपास केली असली, तरी मंदिरात शिरताना आणि देवाच्या गाभाऱ्यात प्रवेश करताना आपल्या चपला बाहेरच काढल्या होत्या.

दानपेटीची तपासणी केल्यावर त्यात मोठी रक्कम असल्याचे दिसून आल्याने चोरट्याने ती फोडून रक्कम काढण्यापेक्षा संपूर्ण दानपेटीच उचलून नेली. चोराचे हे संपूर्ण कृत्य सीसीटीव्हीमध्ये कैद झाले असून चोरीच्या या घटनामुळे एकच खळबळ उडाली आहे. तसेच या घटनेमुळे स्थानिकांमध्ये संतापाची तीव्र लाट पसरली आहे (Nagpur Robbery In Temple).

राज्य सरकार कोरोनाच्या भीतीपोटी मंदिर उघडण्याला परवानगी देत नसल्याने याचा गैरफायदा चोरटे उचलत आहेत. घरफोडी करणारे चोर सर्व समानांची नासधूस करत मौल्यवान वस्तूंवर डल्ला मारतात. नागपूरमध्येही मंदिरातील चोरी करताना असाच काहीसा प्रकार घडाल आहे. या चोरट्याने मंदिरातून दानपेटी चोरी करण्यापूर्वी चप्पल मात्र मंदिराबाहेर काढूनच आत मंदिरात प्रवेश केला. त्यांनतर सर्व खातरजमा करुनच आरोपीने मंदिराची दानपेटी लंपास केली आहे. दानपेटी चोरणारा हा चोरटा अद्याप पकडला गेलेला नाही, त्यामुळे त्यात भक्तांनी दान केलेली किती रक्कम होती. या संदर्भात खुलासा होऊ शकला नसला तरी पोलीस त्या चोरट्याचा शोध घेत आहेत.

गोंदियामध्ये 45 सेकंदांत 10 लाखांचे दागिने लंपास; चोरीची घटना सीसीटीव्हीत कैदhttps://t.co/Dd88M5JjtU #robbery

— TV9 Marathi (@TV9Marathi) November 5, 2020