CBSE Term 1 exam Result : सीबीएसईकडून दहावी बारावीच्या टर्म 1 परीक्षेचा निकाल जाहीर होण्याची शक्यता, रिझल्ट डाऊनलोड कसा करायचा?
सीबीएसईनं (CBSE ) नव्या राष्ट्रीय शिक्षण धोरणानुसार (NEP) दहावी आणि बारावीची परीक्षा सत्र पद्धतीत घेण्याचा निर्णय घेतला होता.
CBSE Term 1 exam Result नवी दिल्ली : सीबीएसईनं (CBSE ) नव्या राष्ट्रीय शिक्षण धोरणानुसार (NEP) दहावी आणि बारावीची परीक्षा सत्र पद्धतीत घेण्याचा निर्णय घेतला होता. त्या निर्णयानुसार दहावी आणि बारावीच्या पहिल्या सत्राच्या परीक्षा घेण्यात आल्या होत्या. आज दहावी आणि बारावीच्या पहिल्या सत्राच्या परीक्षांचा निकाल (Class 10 and 12 Result) सीबीएसईकडून जाहीर केला जाण्याची शक्यता आहे. सीबीएसई दहावी बारावी टर्म 1 परीक्षेचा निकाल www.cbse.gov.in या अधिकृत वेसबाईटवर जाऊन डाऊनलोड करता येईल.
विद्यार्थ्यांना निकालाची उत्सुकता
सीबीएसईतर्फे टर्म वन परीक्षा नोव्हेंबर आणि डिसेंबर महिन्यात घेण्यात आली होती. पहिल्या सत्राची परीक्षा बहुपर्यायी प्रश्नांच्या स्वरुपात होती. विद्यार्थ्यांना वस्तुनिष्ठ स्वरुपाच्या प्रश्न विचारण्यात आले होते. दहावी आणि बारावीचे विद्यार्थी आता निकाल जाहीर होण्याची वाट पाहत आहेत. www.cbse.gov.in आणिwww.cbseresults.nic.in या वेबसाईटवर विद्यार्थ्यांना निकाल जाहीर झाल्यानंतर पाहायला मिळेल.
सीबीएसई टर्म 1 परीक्षेचा निकाल कसा पाहमार
स्‍टेप 1: सीबीएसईची वेबसाईट cbseresults.nic.in ला भेट द्या. स्‍टेप 2: लेटेस्‍ट अपडेट सेक्‍शन वर क्लिक करा तिथे रिझल्ट लिंक वर क्लिक करा. स्‍टेप 3: आता डाऊनलोड रिझल्ट लिंक पर क्लिक करा. स्‍टेप 4: लॉगिन पेजवर दहावी आणि बारावी पर्याय निवडा, रोल नंबर आणि जन्मतारीख नोंदवा. स्‍टेप 5: यानंतर निकाल उपलब्ध होईल, तो डाऊनलोड करा.
Digi locker
डिजीलॉकर एक ऑनलाईन क्लाऊड सॉफ्टवेअर आहे. यामध्ये आपण निकाल चेक करुन मार्कशीटही डाऊनलोड करु शकता. त्यासाठी तुम्हाला डिजीलॉकर वेबसाईटवर जाऊन ‘View result’ वर क्लिक करा. तिथे तुमचा रोल नंबर टाका, क्लास निवडा आणि अॅडमिट कार्ड टाका. त्यानंतर सबमिट बटणावर क्लिक करा. विद्यार्थ्यांना निकाल डाऊनलोड करुन प्रिंटही काढता येऊ शकेल.
SMS आणि IVRS
विद्यार्थी SMS नेही आपला निकाल पाहू शकतात. मोबाईलवरुन space space हा तपशील भरुन 7738299899 या नंबरवर SMS करा. निकाल जाहीर झाल्यानंतर यावर निकाल मिळू शकेल. याशिवाय IVRS द्वारेही निकाल ऐकायला मिळू शकतो. त्यासाठी 011-24300699 नंबरवर कॉल करा.
इतर बातम्या:
TET Exam Scam : टीईटी घोटाळ्याच्या चौकशीसाठी पुणे पोलिसांचं पुढचं पाऊल, ओएमआर पडताळणी सुरु
CBSE class 10 12 Term1 exam result to be released today Check details here for result updates
