UNESCO मध्ये इंटर्नशिप, करिअर ग्रोथ आणि नेटवर्किंगसाठी सुवर्णसंधी, जाणून घ्या

आज आम्ही तुम्हाला एक महत्त्वाची माहिती सांगणार आहोत. ही माहिती तुम्हाला शिक्षणासाठी उपयोगात येऊ शकते. तुम्ही युनायटेड नेशन्स (UN) शी संबंधित प्रतिष्ठित संस्थेत काम करण्याचे स्वप्न पाहत असाल तर युनेस्को (युनायटेड नेशन्स एज्युकेशनल, सायंटिफिक अँड कल्चरल ऑर्गनायझेशन) तुम्हाला एक उत्तम संधी देत आहे. पदवी आणि पदव्युत्तर विद्यार्थ्यांसाठी इंटर्नशिप कार्यक्रम सुरू करण्यात आला आहे, जिथे त्यांना जागतिक स्तरावर अनुभव मिळू शकेल. या इंटर्नशिपमुळे केवळ कौशल्य विकासच होणार नाही तर नेटवर्किंग आणि करिअर वाढीसाठी ही मोठी संधी उपलब्ध होणार आहे. जाणून घ्या

कोण करू शकतो अर्ज?

पदव्युत्तर पदवी, पीएचडी किंवा समकक्ष अभ्यासक्रमात प्रवेश घेतलेले उमेदवार अर्ज करू शकतात.

गेल्या 12 महिन्यांत पदव्युत्तर पदवी किंवा पीएचडी पूर्ण केलेले उमेदवारही पात्र आहेत.

पदवी अभ्यासक्रमात प्रवेश न घेतलेले पदवीधारक अर्ज करण्यास पात्र नाहीत.

वयोमर्यादा:

उमेदवाराचे किमान वय 20 वर्ष असावे.

आता ट्रेडिंग

सचिवीय/ तांत्रिक किंवा व्यावसायिक असाइनमेंटसाठी अर्ज करणारे उमेदवार संबंधित संस्थेच्या अंतिम वर्षात असावेत किंवा नुकतेच पदवी पूर्ण केलेले असावेत.

इंटर्नशिपचा कालावधी

किमान: 1 महिने

जास्तीत जास्त: 6 महिने

अर्ज करणाऱ्या सर्व उमेदवारांनी आपला संपर्क तपशील 6 महिन्यांसाठी वैध राहील याची खात्री करणे आवश्यक आहे.

भाषा

अर्ज इंग्रजी किंवा फ्रेंच भाषेत भरणे बंधनकारक आहे.

जर तुमची कागदपत्रे इंग्रजी किंवा फ्रेंचभाषेत नसतील तर अनौपचारिक भाषांतर सादर करावे लागेल.

निवड प्रक्रिया

व्यवस्थापक निवड झालेल्या उमेदवारांशी थेट संपर्क साधेल. 6 महिने उत्तर न मिळाल्यास याचा अर्थ निवड झाली नाही.

कोणत्या विभागात मिळणार इंटर्नशिप?

जे उमेदवार या इंटर्नशिप प्रोग्रामसाठी अर्ज करू इच्छितात ते 31 डिसेंबर 2025 पर्यंत खालील विभागांकडे अर्ज करू शकतात गव्हर्निंग बॉडी, डायरेक्टर डायरेक्टर ऑफ कम्युनिकेशन अँड इन्फॉर्मेशन सेक्टर, एज्युकेशन सेक्टर, कल्चर सेक्टर, ब्युरो ऑफ ह्युमन रिसोर्स मॅनेजमेंट, इंटरगव्हर्नमेंटल ओशनोग्राफिक कमिशन, कम्युनिकेशन अँड पब्लिक एंगेजमेंट, नॅचरल सायन्स सेक्टर, डिजिटल बिझनेस सोल्यूशन्स

अर्ज कसा करायचा?

युनेस्कोच्या अधिकृत संकेतस्थळावर जा.

मागितलेले सर्व आवश्यक शैक्षणिक आणि वैयक्तिक तपशील भरा.

आपली पात्रता आणि अनुभवाशी संबंधित कागदपत्रे अपलोड करा.

योग्य ती माहिती टाकल्यानंतर फॉर्म सबमिट करा आणि तुमचा अ‍ॅप्लिकेशन आयडी सेव्ह करा.