Maharashtra Election News LIVE : उमेदवारांना मराठीसह इंग्रजीत सादर करता येणार शपथपत्र

मुंबईतील जागा वाटपासाठी भाजप आणि शिवसेनेच्या चर्चेची फेरी सुरू आहे. तर छत्रपती संभाजीनगरमध्ये भाजप आणि शिंदेसेनेतील जागा वाटपाचा तिढा अद्याप सुटलेला नाही. तर नाशिकमध्ये ठाकरे सेनेतील माजी महापौर हे भाजपमध्ये दाखल झाले आहेत. त्यामुळे निष्ठावंत नाराज झाले आहेत. तर पुण्यामध्ये काका-पुतण्यामधील जागा वाटपाचा पेच अद्याप सुटलेला नाही. तर सूत्रांच्या माहितीनुसार दोन्ही राष्ट्रवादी पक्षाच्या विलिनिकरणाची चर्चा सुद्धा सुरू आहे. मनपा निवडणुकीसाठी नामनिर्देशनपत्र हे दोन्ही भाषेत इंग्रजी आणि मराठीत देता येणार आहे. प्रकाश महाजन हे शिंदे सेनेत जाणार असल्याची माहिती समोर येत आहे. निवडणुकीच्या तोंडावर पुण्यात नोटांचे मोठे घबाड सापडल्याने खळबळ उडाली आहे. तर रेल्वे प्रवास महागला आहे. एससी पासून ते सर्वसाधारण कोचच्या तिकीटाचे दर वाढले आहेत.