MSBSHSE 10th (SSC) Result 2024 Link LIVE : दहावीचा निकाल जाहीर, मुलीच ठरल्या मुलांपेक्षा वरचढ, निकालाचा टक्का वाढला

महाराष्ट्र राज्य माध्यमिक आणि उच्च माध्यमिक शिक्षण मंडळाकडून राज्यभरात दहावीच्या परीक्षा घेण्यात आल्या. 1 मार्च ते 26 मार्च 2024 यादरम्यान दहावीची परीक्षा झाली. विशेष म्हणजे दरवेळीप्रमाणे यंदाही राज्यातील दहावीच्या परीक्षा कॉपीमुक्त पार पडल्या. गेल्या काही दिवसांपासून विद्यार्थ्यांसह पालक दहावीच्या निकालाची आतुरतेने वाट पाहताना दिसले. शेवटी आज दुपारी 1 वाजता दहावाची निकाल हा जाहीर केली जाईल. सकाळी 11 वाजता महाराष्ट्र राज्य माध्यमिक आणि उच्च माध्यमिक शिक्षण मंडळाची पत्रकार परिषद पार पडेल. या पत्रकार परिषदेमध्ये बोर्डाचे अध्यक्ष शरद गोसावी हे विभागीय टक्केवारी जाहीर करतील. त्यानंतर दुपारी एक वाजता प्रत्यक्षात विद्यार्थी आपला निकाल ऑनलाईन पद्धतीने पाहू शकणार आहेत.