‘त्या’ मुस्लिम तरुणाने मोदींच्या कानात काय सांगितलं?; ओवेसी म्हणाले…

टोपी घातलेला एक मुस्लिम तरुण पंतप्रधान नरेंद्र मोदी यांच्या कानात काही तरी सांगत असल्याचा फोटो व्हायरल झाला आहे. (Asaduddin Owaisi Comment On Pm Modi On Viral Photo With Muslim Man In Bengal)

narendra modi

भीमराव गवळी | Updated on: Apr 09, 2021 | 2:40 PM

कोलकाता: टोपी घातलेला एक मुस्लिम तरुण पंतप्रधान नरेंद्र मोदी यांच्या कानात काही तरी सांगत असल्याचा फोटो व्हायरल झाला आहे. ऐन पश्चिम बंगाल निवडणुकीच्या रणधुमाळीतच हा फोटो व्हायरल झाल्याने त्यावरून टीका होत आहे. एमआयएमचे नेते असदुद्दीन ओवेसी यांनी मोदींवर टीकास्त्र सोडलं आहे. (Asaduddin Owaisi Comment On Pm Modi On Viral Photo With Muslim Man In Bengal)

असदुद्दीन ओवेसी यांनी ट्विटरवर एक व्हिडीओ शेअर करून ही टीका केली आहे. एक मुस्लिम तरुण मोदींच्या कानात काही तरी सांगत असल्याचा फोटो व्हायरल झाला आहे. मोदीजी, मी बांगलादेशी नाही, असं या तरुणाने मोदींच्या कानात सांगितल्याचा चिमटा ओवेसी यांनी काढला आहे. ओवेसी एवढ्यावरच थांबले नाहीत तर त्यांनी मोदींवर आणखी टीका केली आहे. हा तरुण मोदींना म्हणतो सीएए आणि एनआरसीबाबत आम्ही कागदपत्रे दाखवणार नाही. मोदीजी, माझ्यासारखी टोपी तुम्ही कधी डोक्यावर घालणार आहात? मोदीजी मी डोक्यावर टोपी घातली आहे, पण तुम्ही तर देशालाच टोपी लावली आहे, अशी टीकाही ओवेसी यांनी केली आहे. मोदीजी तुम्ही तीन तलाकच्या कायद्याला मानत नाही, असंही या तरुणाने मोदींना त्यांच्या कानात सांगितलं असेल, असा चिमटाही त्यांनी काढला.

नेमकं काय घडलं?

3 एप्रिल रोजी मोदी पश्चिम बंगालच्या सोनारपूर येथे एका रॅलीला संबोधित करण्यासाठी आले होते. या रॅलीत ते जुल्फिकार नावाच्या या तरुणाला भेटले. यावेळी मोदींनी त्याच्या खांद्यावर हात ठेवला आणि काहीवेळ त्याच्याशी चर्चाही केली. मोदी गेल्यानंतर जेव्हा जुल्फिका यांना मोदींनी तुमच्याशी काय चर्चा केली असं विचारण्यात आलं, तेव्हा मोदींनी मला माझं नाव विचारलं आणि काय बनण्याची तुझी इच्छा आहे, असं विचारलं, असं जुल्फिकारने सांगितलं.

खासदार, आमदार व्हायचं नाही

मोदी त्यांच्या गाडीच्या दिशेने जात होते. तेव्हा उपस्थित लोकांनी मोदींना नमस्कार केला. मीही मोदींना सलाम केला. तेव्हा मोदींनीही मला सलाम केला. त्यानंतर ते गाडीतून उतरले आणि मला माझं नाव विचारलं. तेव्हा मी त्यांना माझं नाव जुल्फिकार अली असल्याचं सांगितलं. तेवढ्यात हेलिकॉप्टरचा आवाज सुरू झाल्यानं ते ऐकू शकले नाही. त्यामुळे ते माझ्या जवळ आले तेव्हा मी त्यांना पुन्हा माझं नाव सांगितलं. तेव्हा त्यांनी माझ्या खांद्यावर हात ठेवून भविष्यात काय होण्याची इच्छा आहे, असं ते म्हणाले. त्यावर मला खासदार किंवा आमदार व्हायचं नाही, तर मला देशासाठी काही तरी करायचं आहे, असं मी त्यांना सांगितलं. (Asaduddin Owaisi Comment On Pm Modi On Viral Photo With Muslim Man In Bengal)