शिरुर (shirur lok sabha constituency)

राज्यातील प्रमुख लढतीपैकी एक महाराष्ट्रातील राजकीयदृष्या रंगतदार लढत म्हणून शिरुर लोकसभा मतदारसंघाकडे पाहिलं जाते. मागच्या निवडणुकीत अभिनेते आणि राष्ट्रवादीचे नेते डॉय अमोल कोल्हे यांनी सलग तीन वेळा शिरुर लोकसभा मतदारसंघात निवडून आलेले शिवसेनेचे शिवाजी आढळराव पाटील यांचा पराभव केला होता. आता पुन्हा एकदा आढळराव पाटील शिरूरमधून लढण्यास उत्सुक आहेत. तर अमोल कोल्हे पुन्हा एकदा मैदान मारण्यासाठी तयार झाले आहेत. 

शिरूर लोकसभा मतदार संघात सहा विधानसभा मतदारसंघ येतात. जुन्नर, आंबेगाव, खेड-आळंदी, शिरुर, भोसरी आणि हडपसर आदी विधानसभा मतदारसंघ या लोकसभा मतदारसंघात येतात. 2019 मधील आकडेवारीनुसार शिरुर लोकसभा मतदारसंघात एकूण 21 लाख 20 हजार 988 मतदारांपैकी 12 लाख 92 हजार 381 मतदारांनी मतदानाचा हक्क बजावला होता. त्यामुळे 2014 च्या तुलनेत इथं मतदानात एक ते दीड टक्यांनी घट झाली होती. भोसरी विधानसभा आणि हसपसर विधानसभा मतदारसंघात सर्वात कमी मतदान झालं होतं. 

दरम्यान, आता राष्ट्रवादीत फूट पडली आहे. त्याचा फटका अमोल कोल्हे यांना बसू शकतो. राष्ट्रवादीच्या फुटीचा जसा फटका अमोल कोल्हे यांना बसू शकतो, तसाच शिवसेना फुटीचा फटका अढळराव पाटील यांनाही बसू शकतो. त्यामुळेच या मतदारसंघाकडे सर्वांचं लक्ष लागलं आहे.