बॉलिवूडचा ‘शापित’ चित्रपट, रिलीजपूर्वीच दिग्दर्शकाचं झालं निधन, 15 वर्षानंतर अर्धवट करण्यात आला रिलीज

Bollywood Movies : बॉलिवूडमध्ये अनेक चित्रपट रिलीज झाल्यानंतर हिट किंवा फ्लॉप ठरतात. मात्र हिंदी चित्रपटसृष्टीत एक असा चित्रपट आहे, जो आपल्या यश-अपयशापेक्षा ‘बदकिस्मती’साठी प्रचंड ओळखला जातो. हा चित्रपट म्हणजे Love and God, ज्याला हिंदी सिनेमातील सर्वात ‘शापित’ चित्रपट मानलं जातं.

या चित्रपटाची निर्मिती दिग्दर्शक K. Asif यांनी केली होती. ‘लैला-मजनू’च्या प्रेमकथेवर आधारित हा चित्रपट भव्य पातळीवर बनवण्याचा त्यांचा प्रयत्न होता. 1963 साली या चित्रपटाची सुरुवात झाली आणि मुख्य भूमिकेसाठी गुरू दत्त यांची निवड करण्यात आली.

चित्रपटाचे काही भाग शूटही झाले होते. मात्र 10 ऑक्टोबर 1964 रोजी गुरू दत्त यांचा त्यांच्या राहत्या घरी मृत्यू झाला. त्यांच्या या अचानक आणि गूढ मृत्यूमुळे संपूर्ण चित्रपटसृष्टी हादरली आणि ‘लव्ह अँड गॉड’चं शूटिंग थांबलं.

बॉलिवूडचा ‘शापित’ चित्रपट

काही वर्षांनंतर K. Asif यांनी पुन्हा धैर्य एकवटत हा चित्रपट सुरू करण्याचा प्रयत्न केला. शूटिंगदरम्यानच K. Asif यांचं निधन झालं. या घटनेनंतर चित्रपट पुन्हा एकदा अर्धवट अवस्थेत थांबला.

या चित्रपटाशी संबंधित अनेक दुर्दैवी घटना घडल्यामुळे इंडस्ट्रीत चर्चा रंगली की ‘लव्ह अँड गॉड’सोबत जोडलेल्या व्यक्तींना अपशकुन होतो. चित्रपटातील खलनायक प्राण यांचाही एका अपघातात जीव वाचला होता.

यानंतर, चित्रपटातील दुसरे मुख्य अभिनेते संजीव कुमार यांना साइन करण्यात आलं. पण अशातच 1985 साली त्यांचं निधन झाले, तेही चित्रपट रिलीज होण्यापूर्वीच. त्यामुळे या चित्रपटाभोवती ‘शापित’ असल्याची चर्चा अधिकच वाढली.

15 वर्षांनी अर्धवट चित्रपट रिलीज

शेवटी, K. Asif यांच्या निधनानंतर तब्बल 15 वर्षांनी त्यांच्या पत्नीने हा चित्रपट प्रदर्शित करण्याचा निर्णय घेतला. 1986 साली ‘लव्ह अँड गॉड’ हा चित्रपट अर्धवट अवस्थेत रिलीज करण्यात आला. मात्र, इतक्या अडचणींनंतरही हा चित्रपट बॉक्स ऑफिसवर यशस्वी ठरू शकला नाही आणि फ्लॉप झाला.

Love and God हा चित्रपट केवळ एक अपूर्ण कलाकृती नाही तर हिंदी चित्रपटसृष्टीतील एक गूढ आणि दुर्दैवी कहाणी म्हणूनही ओळखला जातो.