अभिनेता राहुल रॉय म्हणाला, ‘मला दया नको, काम द्या !’ बहिणीच्या घरी राहतो, निराधार नाही…
राहुल रॉय याने त्याच्या विषयीच्या वावड्यांवर अखेर मौन सोडले असून,आपल्यावर दया दाखवणाऱ्यांना प्रत्युत्तर दिले आहे. अभिनेत्याने म्हटलंय की, मी सुरक्षित असून आपल्या बहिणीसोबत राहत आहे आणि अफवांवर विश्वास ठेवू नये.
एकेकाळी आशिकी चित्रपटाने एका रात्रीत स्टार झालेल्या बॉलीवूड अभिनेता राहुल रॉय याच्या संदर्भातील व्हिडीओ सोशल मीडियावर व्हायरल होत आहे. राहुल रॉय याचे अलिकडील काही रिल्स आणि व्हिडीओत पाहून राहुल रॉय याच्या आर्थिक परिस्थिती संदर्भात वेगवेगळे दावे केले जात आहे. त्याची आर्थिक स्थिती नाजूक असल्याच्या बातम्या सोशल मीडियात पसरले. आता अभिनेता राहुल रॉय याने या संदर्भात स्वत: पुढे येत खुलासा केला आहे.
राहुल रॉय याने सोशल मीडियावर त्याची बहिण हरि मां प्रियंका आणि मेहुणा रोमीर सेन यांच्या सोबतचा फोटो शेअर करीत एक मोठी पोस्ट लिहिली आहे. त्याने त्या पोस्टमध्ये म्हटले आहे की तो संपूर्णपणे सुरक्षित आहे. आणि त्याची बहिण आणि मेहुणा यांच्या सोबत तो रहात असल्याचे त्याने म्हटले आहे. त्याने म्हटलंय की त्याची बहिण त्याच्यावर खूप प्रेम करते आणि तो स्वत:ला जगातील नशीबवान भाऊ समजतो.
राहुल रॉय याने लिहिलंय की हा संदेश त्या लोकांसाठी आहे जे मला ट्रोल करत आहे. माझ्या विरोधात फेक व्हिडीओ तयार करुन माझा बदनामी करत आहेत. मी सुरक्षित आहे आणि बहिण प्रियंका आणि मेहुणा रोमीर माझी चांगली काळजी घेत आहेत. मी माझ्या बहिणीच्या घरी राहातो. मढ येथे त्यांचे सुंदर घर आहे. माझी बहिण माझ्यावर खूप प्रेम करते, मी नशीबवान भाऊ आहे.
माझा जुळा भाऊ रोहित कॅनडात राहातो. कामामुळे मी त्याला नऊ वर्षांपासून भेटलेलो नाही. माझ्याकडे कपडे आहेत, बूट आहेत. जेवण आहे. कार आहे. मी रस्त्यावर आलेलो नाही. सोशल मीडियात फेक व्हिडीओ पसरवले जात आहे. हे चुकीचे आहे. माझ्या बहिणीने मला प्रत्येक गोष्ट दिली आहे. तिला त्रास देऊ नये. मला, साधे राहायला आवडते. ही माझी आवड आहे. मी बॉडीगार्ड ठेवत नाही. कधी ऑटोने प्रवास करतो कारण जे सोयीचे जलद गतीचे असते.
राहुल रॉय याने पुढे म्हटले की मी कोणासही मुलाखत दिलेली नाही. जर मला भविष्यात चांगले चित्रपट मिळाले तर मला तुम्ही पडद्यावर पुन्हा शकता.अखेरीस त्याने लिहीलंय की मी जीवंत आहे…
येथे पोस्ट पाहा –
View this post on Instagram
काय आहे वाद ?
वास्तविक काही दिवसांपासून राहुल रॉयचा काही रिल्स सोशल मीडियात वेगाने व्हायरल होत आहे. त्यात तो डॉक्टर वनिता घाडगे सोबत त्याच्या गाण्यावर नृत्य करताना दिसला. युजर्सने या व्हिडीओंना ट्रोल केले . त्याने या संदर्भात स्पष्टीकरण देताना त्यांचे काही लिगल मॅटर्स सुरु आहेत. त्यामुळे त्याच्यावर कर्ज आहे. यासाठी तो रिल्स बनवत आहे. तसेच त्याने युजर्सना विनंती केली आहे, की माझी चेष्टा करु नका, आणि जास्त चिंता असेल तर मला योग्य काम मिळवून द्या…
