Juhi Chawla Daughter : जुही चावला हिच्या लेकीच्या स्माईलवर चाहते फिदा, प्रचंड सुंदर दिसते अभिनेत्रीची लेक

मुंबई | 10 फेब्रुवारी 2024 : अभिनेत्री जुही चावला हिने आतापर्यंत अनेक सिनेमांमध्ये महत्त्वाची भूमिका साकारत चाहत्यांचं मनोरंजन केलं. आजही जुही हिचे सिनेमे चाहते तितक्यात आवडीने आणि उत्साहाने पाहातात. तर वयाच्या 56 व्या वर्षी देखील अभिनेत्रीचं सौंदर्य कमी झालेलं नाही. पण जुही हिच्यापेक्षा अधिक सुंदर अभिनेत्रीची लेक आहे. जुही कपूर हिच्या लेकीचं नाव जान्हवी कपूर असं आहे. जुही देखील प्रसिद्ध स्टारकिड आहे. पण जान्हवी इतर सेलिब्रिटींच्या मुलांप्रमाणे लाईमलाईटमध्ये नसते. जुही कायम मुलांसोबत फोटो आणि व्हिडीओ सोशल मीडियावर पोस्ट करत असते.

आता देखील जुही हिचे लेकीसोबत काही फोटो तुफान व्हायरल होत आहेत. फोटोंमध्ये जान्हवी हुबेहूब आई जुही चावला हिच्यासारखी दिसत आहे. सध्या सर्वत्र फक्त आणि फक्त जान्हवी हिची चर्चा रंगली आहे. जान्हवीलाही तिची आई जुही चावलाच्या पावलावर पाऊल ठेवात यशाच्या शिखरावर चढायचं आहे. असं अनेकदा सांगण्यात आलं.

जान्हवी हिला फक्त अभिनयाचीच आवड नाही, तर लेखक बनण्याचीही त्याला खूप आवड आहे. एवढंच नाही तर, जान्हवी स्पोर्ट्समध्ये खूप सक्रिय आहे. जान्हवी इतर स्टार किड्सप्रमाणे सोशल मीडियावर सक्रिय नसते. रिपोर्टनुसार, एका मुलाखतीत जुही हिने लेकीच्या करियरबद्दल मोठं वक्तव्य केलं होतं. जान्हवी हिला अभिनेत्री नाही तर, लेखिका व्हायचं आहे.

जान्हवी पुस्तकांवर करते प्रचंड प्रेम

जान्हवी हिला अनेक विषयांचे पुस्तकं वाचायला देखील आवडतात. जान्हवी हिने जगातील सर्वात प्रसिद्ध कोलंबिया विद्यापीठातून पदवीचे शिक्षण पूर्ण केलं आहे. खुद्द जुही हिने लेकीचा फोटो पोस्ट करत आनंद व्यक्त केला होता. इतर स्टार किड्सपेक्षा माझी लेक वेगळी आहे.. असं वक्तव्य देखील जुही हिने केलं होतं.

जुही आणि जान्हवी हिचे फोटो आणि व्हिडीओ सोशल मीडियावर कायम व्हायरल होत असतात. चाहते देखील दोघांच्या व्हिडीओ – फोटोंवर कमेंट करत प्रेम व्यक्त करतात. जुही कायम कोणत्या न कोणत्या कारणामुळे चर्चेत असते. सध्या अभिनेत्री लेकीमुळे चर्चेत आली आहे.

जुही हिने 1995 मध्ये उद्योजक जय मेहता यांच्यासोबत लग्न केलं होतं. लग्नानंतर अभिनेत्रीने मुलगी जान्हवी आणि मुलगा अर्जुन यांना जन्म दिला. जुही, जय मेहता यांची दुसरी पत्नी आहे. अनेक ठिकाणी अभिनेत्रीला पतीसोबत स्पॉट केलं जातं.