Video : ‘पँट तर वर करायची,’ निया शर्मा तुफान ट्रोल, विचित्र ड्रेसमुळे सोशल मीडियावर एकच चर्चा!
निया शर्मा तिच्या वैयक्तिक आयुष्यामुळेही चर्चेत आहे. काही दिवसांपूर्वी तिने मालदीव व्हेकेशनचे फोटो सोशल मीडियावर शेअर केले होते. या फोटोंमध्ये ती सिकंदर सिंहसोबत दिसली होती. दोघेही एकत्र सुट्टीचा आनंद घेताना दिसल्याने त्यांच्या नात्याबाबत चर्चांना पुन्हा सुरुवात झाली होती.
Nia Sharma New Dress : बॉलिवुडचं जग हे मोठं रंजक असतं. सिनेजगतातील अभिनेत्री, अभिनेत्याच्या वैयक्तिक आयुष्यात काय चाललंय याबाबत सामान्यांना मोठी उत्सुकता असते. कलाकारांच्या ड्रेसिंग सेंन्सची तर नेहमीच चर्चा होत असते. छोट्या पडद्यावरील अभिनेत्री निया शर्मा हीदेखील नेहमीच चर्चेत राहणारी अभिनेत्री आहे. ती तिच्या युनिक ड्रेसिंग सेन्समुळे कायम लाईमलाईटमध्ये असते. आपल्या ग्लॅमरस आणि बिनधास्त स्टाइलसाठी ती ओळखली जाते. तिच्या हटके फॅशनमुळे ती पुन्हा एकदा चर्चेत आली आहे. यावेळी मात्र तिला प्रचंड ट्रोल केलं जातंय.
कपड्यांपेक्षा जॉगर्स स्टाइलची सोशल मीडियावर चर्चा
नियाचा एक व्हिडिओ सध्या सोशल मीडियावर व्हायरल होत आहे. या व्हिडिओमध्ये ती पांढऱ्या रंगाच्या क्रॉप टॉपसोबत लो-राइज जॉगर्स परिधान केलेली दिसत आहे. मुंबईतील अंधेरी परिसरात निया दिसली होती. तिच्या कॅज्युअल लूकसोबत तिच्या हातात एक महागडी स्टायलिश बॅग दिसली. मात्र तिच्या इतर कपड्यांपेक्षा जॉगर्सची स्टाइल सोशल मीडियात चर्चेचा विषय ठरली आहे. तिने परिधान केलेली जॉगर्स नेटकऱ्यांना आवडलेली नाही. काहींनी तिला पॅन्ट थोडी वर घालण्याचा सल्ला दिलाय. तर काहींनी तिच्या लूकला गरजेपेक्षा जास्त बोल्ड असल्याचे म्हटले.
नेटकऱ्यांच्या वेगवेगळ्या प्रतिक्रिया
नियाच्या समोर आलेल्या या व्हिडिओवर अनेक कमेंट्स पाहायला मिळत आहेत. काही युजर्सनी तिच्या फॅशन सेन्सवर टीका केली, तर काहींनी मजेशीर प्रतिक्रिया देत तिची खिल्ली उडवली आहे. काहींनी कपडे परिधान करण्याच्या पद्धतीवरच प्रश्न उपस्थित केले आहेत.
View this post on Instagram
नात्याच्या चर्चेलाही उधाण
दरम्यान, निया शर्मा तिच्या वैयक्तिक आयुष्यामुळेही चर्चेत आहे. काही दिवसांपूर्वी तिने मालदीव व्हेकेशनचे फोटो सोशल मीडियावर शेअर केले होते. या फोटोंमध्ये ती सिकंदर सिंहसोबत दिसली होती. दोघेही एकत्र सुट्टीचा आनंद घेताना दिसल्याने त्यांच्या नात्याबाबत चर्चांना पुन्हा सुरुवात झाली होती. मात्र निया किंवा सिकंदर यांनी अद्याप त्यांच्या नात्याची अधिकृत पुष्टी केलेली नाही. निया शर्माचा सोशल मीडियावर मोठा चाहतावर्ग आहे.
