लग्न झाल्यानंतर नाना पाटेकर या अभिनेत्रीच्या प्रेमात पडलेले, ब्रेकअपनंतर मुलाखतीत भरून आलेले डोळे
लग्न झाल्यानंतर देखील नाना पाटेकर या अभिनेत्रीच्या पडले होते प्रेमात. चित्रपटात साकारली होती अभिनेत्रीच्या वडिलांची भूमिका. ब्रेकअपनंतर मुलाखतीत भरून आले होते डोळे.
बॉलिवूडचे ज्येष्ठ अभिनेते नाना पाटेकर त्यांच्या दमदार अभिनयासोबतच स्पष्टवक्तेपणासाठीही ओळखले जातात. त्यांच्या व्यावसायिक आयुष्याप्रमाणेच त्यांच्या वैयक्तिक आयुष्याबद्दलही अनेकदा चर्चा झाली आहे. अभिनेत्री मनीषा कोईराला आणि नाना पाटेकर यांच्या नात्याच्या चर्चाही 90 च्या दशकात रंगल्या होत्या. दोघांनी एकत्र अनेक चित्रपटांमध्ये काम केलं होतं. मात्र, त्यांच्या नात्याबद्दल दोघांनीही सार्वजनिकरीत्या फारसं बोलणं टाळलं.
नाना पाटेकर आणि मनीषा कोईराला यांनी 1996 मध्ये ‘अग्निसाक्षी’ आणि ‘खामोशी : द म्युझिकल’ या चित्रपटांत एकत्र काम केलं. ‘खामोशी’मध्ये नाना यांनी मनीषाच्या वडिलांची भूमिका साकारली होती तर ‘अग्निसाक्षी’मध्ये त्यांच्या अभिनयाचं विशेष कौतुक झालं. याच काळात दोघांच्या जवळिकीबद्दल प्रसारमाध्यमांमध्ये चर्चा होऊ लागली होती.
मनीषाच्या आठवणीने भावूक झाले होते नाना पाटेकर
1997 मधील एका मुलाखतीत नाना पाटेकर यांनी मनीषा कोईरालाची आठवण येत असल्याचं सांगितल्याचा उल्लेख अनेक बातम्यांमध्ये आढळतो. या विषयावर बोलताना ते भावूक झाले होते असंही सांगितलं जातं. मनीषापासून दूर झाल्यानंतरचा काळ आपल्यासाठी कठीण होता आणि त्या वेदना शब्दांत व्यक्त करणं अवघड असल्याचं त्यांनी म्हटलं होतं. मात्र, या नात्याबद्दल अधिक बोलण्याची त्यांची इच्छा नव्हती.
नाना यांनी मनीषाच्या अभिनयाचं आणि तिच्यातील नैसर्गिक प्रतिभेचंही कौतुक केलं होतं. ती अत्यंत संवेदनशील अभिनेत्री असून तिच्यात मोठी क्षमता आहे, अशा शब्दांत त्यांनी तिच्याबद्दल आदर व्यक्त केला होता. दोघांच्या नात्याबाबत अनेक चर्चा झाल्या असल्या तरी त्यांच्या नात्याचे सर्व तपशील सार्वजनिकरीत्या स्पष्ट झालेले नाहीत.
मनीषाच्या वैयक्तिक आयुष्यातही आले होते चढ-उतार
मनीषा कोईरालाने आपल्या अभिनयाने बॉलिवूडमध्ये वेगळी ओळख निर्माण केली. मात्र, तिच्या वैयक्तिक आयुष्यातही अनेक कठीण प्रसंग आले. तिने आपल्या ‘Healed’ या पुस्तकात आयुष्यातील संघर्ष आणि त्यांना सामोरं जाताना आलेल्या अनुभवांबद्दल लिहिलं आहे. तिच्या आयुष्यातील या टप्प्यांबाबत नाना पाटेकर यांनीही एका मुलाखतीत चिंता व्यक्त केल्याचं वृत्त आहे.
नाना पाटेकर यांचं नीलकांती पाटेकर यांच्याशी लग्न झालं होतं. त्यांच्या वैवाहिक आयुष्याबद्दलही अनेकदा चर्चा झाली आहे. दुसरीकडे, मनीषा कोईरालाने 2010 मध्ये उद्योगपती सम्राट दहल यांच्याशी लग्न केलं; मात्र 2012 मध्ये त्यांचा घटस्फोट झाला.
