Ajay Devgn : हा तर महाराष्ट्राचा अपमान, अजय देवगणच्या हिंदी पुळक्यावर नेटकरी भडकले, ट्विटरवर Marathi चा ट्रेंड
हिंदी राष्ट्रभाषा आहे की नाही यावरुन पुन्हा एकदा वाद पाहायला मिळतोय. हा वाद कुण्या साहित्यिकांमध्ये नाही तर अभिनेत्यांमध्ये सुरु आहे! बॉलिवूड अभिनेता अजय देवगण आणि कन्नड चित्रपटातील अभिनेता किच्चा सुदीप यांच्यात हा वाद सुरु आहे.
मुंबई : हिंदी राष्ट्रभाषा आहे की नाही यावरुन पुन्हा एकदा वाद पाहायला मिळतोय. हा वाद कुण्या साहित्यिकांमध्ये नाही तर अभिनेत्यांमध्ये सुरु आहे! बॉलिवूड अभिनेता अजय देवगण (Ajay Devgn) आणि कन्नड चित्रपटातील अभिनेता किच्चा सुदीप यांच्यात हा वाद सुरु आहे. महत्वाची बाब म्हणजे या वादात कर्नाटकचे माजी मुख्यमंत्री के. सिद्धरामय्या (K. Siddaramaiah) यांनीही उडी घेतली. इतकंच नाही तर अजय देवगणच्या भूमिकेबाबत आता सोशल मीडियातूनही त्याच्या समर्थनात आणि विरोधात कमेंट्स उमटत आहेत. तहसीन पुनावाला (Tehseen Poonawala) यांनीही अजय देवगणच्या भूमिकेला विरोध केलाय. ‘तुम्ही मुंबईत राहता आणि हा महाराष्ट्राचा अपमान आहे की एका भाषेला मराठीसह अन्य भाषेवर आपली राष्ट्रभाषा म्हणता’, असं ट्वीट पुनावाला यांनी केलंय.
कन्नड अभिनेता किचा सुदीपने एका लॉन्च इव्हेंटवेळी म्हटलं होतं की, हिंदा आता राष्ट्रभाषा नाही. त्याच्या या वक्तव्यावर अजय देवगणने निशाणा साधला होता. जर हिंदी ही राष्ट्रभाषा नसेल तर तुमचे चित्रपट हिंदीत डब करुन का प्रदर्शित करता? असा सवाल अजय देवगणने सुदीपला विचारला होता. इतकंच नाही तर ‘हिंदी आपली मातृभाषा आणि राष्ट्रीय भाषा होती, आहे आणि राहील. जन गण मन’, असंही अजय देवगण म्हणाला.
.@KicchaSudeep मेरे भाई, आपके अनुसार अगर हिंदी हमारी राष्ट्रीय भाषा नहीं है तो आप अपनी मातृभाषा की फ़िल्मों को हिंदी में डब करके क्यूँ रिलीज़ करते हैं? हिंदी हमारी मातृभाषा और राष्ट्रीय भाषा थी, है और हमेशा रहेगी। जन गण मन ।
— Ajay Devgn (@ajaydevgn) April 27, 2022
या वादात उडी घेत तहसीन पुनावालाने अजय देवगणवर निशाणा साधलाय. ‘हिंदी ही भारताची राष्ट्रीय भाषा नाही, ती एक राजभाषा आहे. तुम्ही जे मत मांडलं त्याबाबत तुम्ही जबाबदार असणं आवश्यक आहे. तसंच अजय देवगण तुम्ही मुंबईत राहता आणि मराठीसह इतर भाषांपेक्षा तुम्ही एका भाषेला आपली राष्ट्रभाषा म्हणता, हा महाराष्ट्राचा अपमान आहे’, असं पुनावालाने म्हटलंय.
Hindi is NOT THE NATIONAL language of India, it is an “Official Language”. You need to be responsible about what you put out. Also @ajaydevgn – you reside in Mumbai & it is an insult to Maharashtra if you term one language as our national language over others including Marathi! https://t.co/GAnuHJSKOk
— Tehseen Poonawalla Official ?? (@tehseenp) April 27, 2022
अजय देवगणच्या त्या ट्वीटवर आता तीव्र प्रतिक्रिया उमटू लागल्या आहेत.
अजयजी आप विमल इलायची का विज्ञापन करते हुए यह भूल गए की हिंदी केवल हमारी राज भाषा है, राष्ट्र भाषा नहीं। भारत जैसे विभिन्न संस्कृति और संस्कारों वाले देश में कोई एक भाषा राष्ट्र भाषा नहीं हो सकती ।?????
— अभिजात (@abhijaat) April 29, 2022
भारताला कोणतीही राष्ट्रीय भाषा नाही pic.twitter.com/vIMhB5aF7H
— Rahul Mahadik (@RahulMa95557581) April 27, 2022
हिंदी आमची राष्ट्रभाषा नाही. देशाची भाषावार रचना झालीय. त्यामुळे सगळ्या प्रादेशिक भाषा त्यांच्या राज्यांत महत्त्वाच्या आहेत. मुंबईत राहून तुम्हाला मराठी येते नाही म्हणून आम्ही तुमचे सिनेमे पाहत नाही. हिंदी राष्ट्रभाषा असल्याची अफवा पसरवलीत तर तुमच्यावर कायदेशीर कारवाई होऊ शकते.
— ? DURGA ? (@Am_here_DURGA) April 27, 2022
अजय देवगणकडून वादावर पडदा
सोशल मीडियावरुन तीव्र प्रतिक्रिया उमटल्यानंतर आणि हा वाद आता राजकीय वळण घेऊ लागल्यानंतर अजय देवगणने या वादावर पडदा टाकलाय. त्याने एक ट्वीट केलं आहे. ‘हाय किचा सुदीप, तु मित्र आहेस. गैरसमज दूर केल्याबद्धल धन्यवाद. मी नेहमीच चित्रपटसृष्टीचा विचार केलाय. आम्ही सर्व भाषांचा आदर करतो आणि प्रत्येकाने आमच्या भाषेचाही आदर करावा अशी आमची अपेक्षा आहे. कदाचित, अनुवादात काही राहून गेलं असेल’, असं अजय देवगण म्हणाला.
Hi @KicchaSudeep, You are a friend. thanks for clearing up the misunderstanding. I’ve always thought of the film industry as one. We respect all languages and we expect everyone to respect our language as well. Perhaps, something was lost in translation ?
— Ajay Devgn (@ajaydevgn) April 27, 2022
