World Cup 2023 : पराभवानंतर अमिताभ बच्चन यांची क्रिप्टिक पोस्ट; चाहत्यांची निराशा

मुंबई | 20 नोव्हेंबर 2023 : आयसीसी वर्ल्ड कप 2023 फायनल भारत हारल्यामुळे देशाच निराशेचं वातावरण आहे. भारत आणि ऑस्ट्रेलिया या दोन देशांमध्ये रंगलेल्या वर्ल्ड कप 2023 फायनल सामन्यात भारताला पराभव स्वीकारावा लागला. सांगायचं झालं तर, ऑस्ट्रेलियाने वर्ल्ड कपवर सहाव्यांदा आपलं नाव कोरलं आहे. भारताच्या पराभवानंतर सर्वसामान्य जनतेसह सेलिब्रिटी देखील सोशल मीडियाच्या माध्यमातून भावना व्यक्त करत आहेत. महानायक अमिताभ बच्चन यांनी देखील भारताच्या पराभवानंतर एक्स (ट्विटर)वर क्रिप्टिक पोस्ट शेअर केली आहे.

रविवारी रंगलेल्या भारत विरुद्ध ऑस्ट्रेलिया सामान्यात भारताचा पराभव झाला. यावर बिग बी म्हणाले, ‘कुछ भी तो नहीं…’, अमिताभ बच्चन यांच्या क्रिप्टिक पोस्टनंतर नेटकऱ्यांनी प्रतिक्रिया दिल्या आहेत. सध्या सर्वत्र अमिताभ बच्चन यांच्या पोस्टची चर्चा सुरु आहे.

T 4835 – कुछ भी तो नहीं

— Amitabh Bachchan (@SrBachchan) November 19, 2023

बिग बी यांच्या पोस्टवर कमेंट करत एक नेटकरी म्हणाला, ‘तुम्हाला माहिती होती तुम्ही सामना पाहिल्यानंतर भारताचा पराभव होतो, असं असताना तुम्ही रिस्क का घेतली…’ दुसरा नेटकरी म्हणाला, ‘सर तुम्ही पूर्ण सामना पाहिला असेल म्हणून आपण हारलो…’. अमिताभ बच्चन यांच्या वक्तव्यावर अनेकांना नाराजी व्यक्त केली आहे.

सांगायचं झालं तर, भारताने सेनी फायनल सामन्यात विजय मिळवल्यानंतर अभिताभ बच्चन यांनी सोशल मीडियावर एक पोस्ट शेअर केली होती.. पोस्टमध्ये बिग बी म्हणाले होते, ‘जेव्हा मी सामना पाहत नाही, तेव्हा आपण जिंकतो…’ यावर मराठी अभिनेता गश्मीर महाजनी याने प्रतिक्रिया दिली आहे.

इन्स्टाग्राम स्टोरीवर अभिनेता म्हणाला, ‘बच्चन साहेबांनी लपून मॅच पाहिली’ गश्मीर महाजनी याची पोस्ट देखील सोशल मीडियावर तुफान व्हायरल होत आहे. सध्या सर्वत्र फक्त आणि फक्त वर्ल्ड कप 2023 फायनलची चर्चा रंगत आहे. सोशल मीडियावर वर्ल्ड कप 2023 चे अनेक फोटो आणि व्हिडीओ व्हायरल होत आहे.

T 4831 – when i don’t watch we WIN !

— Amitabh Bachchan (@SrBachchan) November 15, 2023

सांगायचं झालं तर, भारत विरुद्ध ऑस्ट्रेलिया सामना पाहण्यासाठी स्टेडियमवर चाहत्यांनी गर्दी केली होती. अनेक सेलिब्रिटी देखील स्टेडियमवर सामना पाहण्यासाठी पोहोचले होते. अभिनेता शाहरुख खान, गौरी खान, आर्यन खान, सुहाना खान याच्यासोबतच , रणवीर सिंग, आयुष्मान खुराना, दीपिका पादुकोण, विवेक ओबेरॉय भारत विरुद्ध ऑस्ट्रेलिया सामना पाहण्यासाठी स्टेडियमवर पोहोचले होते.