काही लोक आपल्यातून निघून जातात, पण… बिग बी यांना शोक अनावर, KBC 18 च्या मंचावरून नाना पाटेकर यांना वाहिली श्रद्धांजली
Amitabh Bachchan On Nana Patekar: 8 ऑक्टोबर रोजी सकाळी नाना पाटेकर यांचं पहाटे निधन झालं. मित्र काळाने हिरवल्यानंतर बिग बी यांना मोठा धक्का बसला. कोण बनेगा करोडपतीच्या सेटवर त्यांनी पाटेकर यांना श्रद्धांजली वाहिली.
Amitabh Bachchan Tribute Nana Patekar: संवेदनशील अभिनेते नाना पाटेकर यांचं 8 ऑक्टोबर रोजी पहाटे निधन झाले. मित्र काळाने हिरावल्यानंतर बिग बी यांना शोक अनावर झाला. महानायक अमिताभ बच्चन यांनी कौन बनेगा करोडपतीच्या (Kaun Banega Karorepati) सेटवर ज्येष्ठ अभिनेते नाना पाटेकर यांना श्रद्धांजली वाहिली. नानांचा साधेपणा, स्पष्टवक्तेपणा आणि सत्य मांडण्याच्या धाडसाबद्दल त्यांनी प्रेक्षकांशी संवाद साधला. त्यांनी मित्राच्या आठवणींना KBC 18 च्या सेटवर उजाळा दिला. काल नाना पाटेकर यांचं वयाच्या 75 व्या वर्षी हृदयविकाराच्या झटक्यामुळे निधनं झालं. त्यांच्यावर पुणे येथील डोणजे गावातील नानाची वाडी येथे शासकीय इतमामात अंत्यसंस्कार करण्यात आले.
बिग बी यांना शोक अनावर
KBC 18 च्या सेटवर बिग बी यांनी नाना पाटेकर यांना श्रद्धांजली वाहिली. इथं उपस्थित सर्वांना मला सांगायचं की, नाना पाटेकर यांचं आज सकाळी निधन झालं आहे. एक असाधारण कलाकार, मित्र, हितचिंतक आणि उत्कृष्ट समाजसेवक आज आपल्यात राहिलेला नाही. त्यांचं स्पष्टवक्तेपणा, साधेपणा आणि सत्य बोलण्याचं धाडस त्यांना इतरांपेक्षा वेगळं ठरवत होतं, असे बिग बी म्हणाले.
एक मोठी हानी
कौन बनेगा करोडपती 18 च्या सेटवर नाना पाटेकर यांच्याविषयी बोलताना बिग बी भावुक झाले. त्यांनी याच मंचावर त्यांच्याशी झालेल्या भेटीला उजाळा दिला. नानांचं जाणं ही केवळ सिनेसृष्टीसाठीच नव्हे, तर त्यांना वैयक्तिकरित्या ओळखणाऱ्या प्रत्येकासाठी एक मोटी हानी आहे, अशा संवेदना त्यांनी व्यक्त केल्या.
View this post on Instagram
काही लोक आपल्यातून निघून जातात
काही लोक शारिरिकदृष्ट्या आपल्यात नसले, तरी त्यांचे शब्द, त्यांचं कार्य आणि त्यांनी दिलेले धडे आपल्यासोबत कायम असतात. काही लोक आपल्या आयुष्यातून निघून जातात. पण त्यांचे आवाज, त्यांची समाजसेवा आणि त्यांनी शिकवलेल्या गोष्टी आपल्यातच राहतात. नाना हे अशाच व्यक्तींपेकी एक होते असे अमिताभ बच्चन म्हणाले. त्यांनी नाना पाटेकर यांना नमन केले आणि श्रद्धांजली वाहिली. केबीसीच्या सेटवर यापूर्वी नाना पाटेकर आणि अमिताभ बच्चन यांची भेट झाली होती. त्यावेळी त्यांनी महाराष्ट्रातील सामाजिक परिस्थिती आणि नाम फाऊंडेशनकडून होणाऱ्या मदतीची माहिती दिली होती.
