सुप्रिया सुळेंच्या मुलीच्या लग्नात बिग बींपासून रणबीर कपूरपर्यंत बॉलिवूड सेलिब्रिटींची मांदियाळी

राष्ट्रवादी काँग्रेस पक्षाच्या (शरद पवार) खासदार सुप्रिया सुळे यांची मुलगी रेवती सुळेचा 20 जून 2026 रोजी लग्नसोहळा पार पडला. या विवाहसोहळ्याला चित्रपटसृष्टीतील अनेक कलाकार आणि नामवंत राजकीय व्यक्तींची विशेष उपस्थिती पहायला मिळाली. फिल्म इंडस्ट्रीतील सेलिब्रिटींनी रेवतीच्या संगीत समारंभापासून ते लग्नसोहळ्यात रंगत आणली. अभिनेता शाहरुख खानच्या डान्सने सर्वांचं लक्ष वेधून घेतलं. रेवतीच्या लग्नाला अमिताभ बच्चन, जया बच्चन, रणबीर कपूर, रवी किशन, रितेश देशमुख, जिनिलिया देशमुख यांच्यासह अनेक उद्योगपतींनीही हजेरी लावली होती.

सुप्रिया सुळे यांची मुलगी रेवती सुळेनं नागपूरचे उद्योगपती आणि राजकारणी अरुण लखानी यांचा मुलगा सारंग लखानीशी लग्न केलं आहे. लग्नापूर्वी संगीत समारंभाचे काही व्हिडीओ सोशल मीडियावर व्हायरल झाले, ज्यामध्ये बॉलिवूडचा ‘किंग’ अर्थात अभिनेता शाहरुख खान त्याच्या ‘कोई मिल गया’ या गाण्यावर डान्स करताना दिसला. यावेळी शाहरुखसोबत रेवतीसुद्धा थिरकली. लग्नसोहळ्यात अनेक बॉलिवूड सेलिब्रिटींची मांदियाळी पहायला मिळाली. अमिताभ बच्चन हे पत्नी जया बच्चनसोबत या लग्नाला उपस्थित होते. तर भोजपुरी सेलिब्रिटी आणि खासदार रवी किशनसुद्धा पत्नीसोबत या लग्नाला पोहोचले होते.

#WATCH | Mumbai: Actors Amitabh Bachchan and Jaya Bachchan, along with Shweta Bachchan Nanda, arrive at the Jio Convention Centre to attend the wedding of NCP (SCP) MP Supriya Sule’s daughter, Revati Sule. pic.twitter.com/k18rzSvRkk

— ANI (@ANI) June 20, 2026

#WATCH | Mumbai: Actor Amitabh Bachchan arrives at the Jio Convention Centre to attend the wedding of NCP (SCP) MP Supriya Sule’s daughter, Revati Sule. pic.twitter.com/5SSFm76wZY

— ANI (@ANI) June 20, 2026

रेवती सुळेचा लग्नसोहळा जियो कन्वेन्शन सेंटरमध्ये पार पडला. संगीत समारंभात गायक राहुल वैद्यने परफॉर्म केलं होतं. त्याने त्याच्या इन्स्टाग्राम अकाऊंटवर शाहरुखसोबतचे फोटो आणि व्हिडीओ शेअर केले आहेत. रेवती सुळेच्या लग्नाला आरएसएस प्रमुख मोहन भागवत, राहुल गांधी, अखिलेश यादव, भगवंत मान, पियुष गोयल, फारुख अब्दुल्ला आणि डीके शिवकुमार यांसारखे अनेक राजकारणीही उपस्थित होते.

Ranbir Kapoor attending Supriya Sule Daughter’s wedding reception event, finally spotted 😭 pic.twitter.com/2SBF2WkKrQ

— 𝙑 🏹 🇦🇷🇪🇸 (@RKs_Tilllast) June 20, 2026

View this post on Instagram

A post shared by RAHUL VAIDYA (LIVE) (@rahulvaidyalive)

दोन वेगळ्या राजकीय विचारसरणीचे घराणे एकत्र आल्यामुळे सुरुवातीला या लग्नाबाबत आश्चर्य व्यक्त करण्यात आलं होतं. मात्र नंतर राजकीय भेद विसरून अनेकांनी या लग्नसोहळ्याला हजेरी लावली. रेवतीचे सासरे हे नागपूरमधील प्रसिद्ध उद्योजक, राष्ट्रीय स्वयंसेवक संघाची पार्श्वभूमी असलेले आणि भाजपचे उमेदवार अरुण लखानी आहेत. भारतातील राजकारणी हे वरकरणी जरी एकमेकांचे कट्टर विरोधक वाटत असले तरी वैयक्तिक आयुष्यात त्यांचा संघर्ष रुपांतरित होतोच असं नाही. अनेकदा हे राजकारणी आणि त्यांचे कुटुंबीय पक्षीय मतभेदांच्या पलीकडे जाऊन एकमेकांसोबतचे संबंध जपताना दिसतात.