आई राजघराण्यातील, वडील आमदार.. अभिनेत्याला बनायचे होते IAS अधिकारी, पण चुकून रातोझाला सुपरस्टार
बॉलिवूडमधील एक असा अभिनेता होता जो IAS अधिकारी बनण्याची तयारी करत होता. पण एक दिवस अचानक त्याने चित्रपटात करण्याचा निर्णय घेतला आणि त्याचे संपूर्ण आयुष्यच बदलले.
हिंदी चित्रपटसृष्टीत १९९० आणि २०००च्या दशकात असे कलाकार उदयास आले, ज्यांनी आपल्या उत्कृष्ट अभिनयाने, प्रभावी व्यक्तिमत्त्वाने आणि आकर्षक अंदाजाने लाखो चाहत्यांची मने जिंकली. अशाच कलाकारांपैकी एक नाव म्हणजे बॉलिवूडचे लोकप्रिय अभिनेता चंद्रचूड सिंह. चंद्रचूड सिंह यांचा जन्म ११ ऑक्टोबर १९६८ रोजी नवी दिल्ली येथे एका प्रतिष्ठित कुटुंबात झाला. त्यांचे वडील कॅप्टन बलदेव सिंह उत्तर प्रदेशातील खैर (अलीगड) येथील राजकारणी आणि माजी आमदार होते, तर आई कृष्णा कुमारी देवी ओडिशातील बोलांगीर (पटना) येथील राजघराण्यातील होत्या. चंद्रचूड यांना दोन भाऊ आहेत – अभिमन्यु सिंह (भारतीय अभिनेता आणि दिग्दर्शक) आणि आदित्य सिंह (चित्रपट निर्माता).
यूपीएससी प्रवेश परीक्षेची तयारी
चंद्रचूड यांनी प्राथमिक शिक्षण देहरादूनमधील बोर्डिंग स्कूल ‘द दून स्कूल’ आणि ‘वेल्हम बॉईज स्कूल’मध्ये पूर्ण केले. त्यानंतर ते दिल्लीला आले आणि दिल्ली विद्यापीठाच्या सेंट स्टीफन्स कॉलेजमधून पदवी प्राप्त केली. शिक्षण पूर्ण झाल्यानंतर त्यांनी आयएएस अधिकारी होण्याच्या उद्देशाने यूपीएससी प्रवेश परीक्षेची तयारी सुरू केली. चंद्रचूड सिंह हे प्रशिक्षित शास्त्रीय गायकही आहेत. अभिनयक्षेत्रात येण्यापूर्वी त्यांनी काही काळ दिल्लीतील ‘वसंत व्हॅली स्कूल’मध्ये मुलांना संगीत शिकवले आणि आपल्या जुन्या शाळा ‘द दून स्कूल’मध्ये इतिहासाचे शिक्षक म्हणूनही काम केले.
रातोरात स्टार झाले
चंद्रचूड यांनी आपल्या अभिनय कारकिर्दीला १९९६ मध्ये अमिताभ बच्चन कॉर्पोरेशन लिमिटेड (एबीसीएल)च्या ‘तेरे मेरे सपने’ या चित्रपटातून सुरुवात केली. डेब्यू चित्रपटाखालोखाल त्याच वर्षी ‘माचिस’ या चित्रपटाने त्यांना उद्योगात नवी ओळख मिळवून दिली. या चित्रपटाने त्यांना रातोरात स्टार बनवले. यासाठी त्यांना सर्वश्रेष्ठ पुरुष डेब्यूसाठी फिल्मफेअर पुरस्कार मिळाला.
९०च्या दशकात रोमँटिक हीरो म्हणून छाप पाडली
त्यानंतर अभिनेत्याने एकामागून एक अनेक चित्रपटांत काम केले. त्यांच्या काही लोकप्रिय चित्रपटांमध्ये ‘दिल क्या करे’, ‘जोश’, ‘क्या कहना’, ‘आमदनी अठन्नी खर्चा रुपया’, ‘दाग: द फायर’ इत्यादींचा समावेश आहे. चंद्रचूड मुख्यतः हिंदी सिनेमात आपल्या उत्कृष्ट अभिनयासाठी, सौम्य स्क्रीन प्रेजन्ससाठी आणि रोमँटिक भूमिकांसाठी लोकप्रिय आहेत. वैयक्तिक जीवनाबाबत सांगायचे तर त्यांनी १९९९ मध्ये अवंतिका कुमारीशी विवाह केला होता, मात्र नंतर दोघे वेगळे झाले. दोघांना एक मुलगा आहे.
