Thank you Note | वरुण-नताशाचा थाटात लग्नसोहळा, लग्नानंतर फॅन्ससाठी खास मेसेज शेअर!

मुंबई : बॉलिवूड अभिनेता वरुण धवन (Varun Dhawan)आणि नताशा दलाल (Natasha Dalal) यांचे 24 जानेवारी रोजी लग्न पार पडले. दोघांचे लग्नाचे फोटो सोशल मीडियावर व्हायरल झाले आहेत. वरुण आणि नताशाच्या लग्नात कुटुंब आणि काही खास मित्र सहभागी झाले होते. वरुण-नताशाचे लग्न अलिबागमध्ये झाले. करण जौहर, जोआ मोरानी, ​​कुणाल कोल्ही, शशांक खेतान आणि डिझायनर मनीष मल्होत्रा ​​लग्नाला उपस्थित होते. लग्नानंतर आता वरुणने सोशल मीडियावर एक पोस्ट शेअर करुन आपल्या चाहत्यांचे आभार मानले आहेत. (Actor Varun Dhawan did Twitter for the fans)

The last few days me and natasha have received so much love and positivity from everyone so just wanted to thank everyone from the bottom of my heart ?

— VarunDhawan (@Varun_dvn) January 27, 2021

ज्यामध्ये वरुण म्हणतो की, मी मनापासून तुमचे सर्वांचे आभार मानतो तुमच्या सर्वांच्या शुभेच्छांमुळे पॉजिटिविटी मिळाली आहे. वरुण आणि नताशाच्या लग्नानंतर आता त्यांचे रिसेप्शन कुठे होणार, यावर अनेक चर्चा समोर येत आहे. सूत्रांनी दिलेल्या माहितीनुसार, वरुण आणि नताशा या दोघांच्या लग्नाचे रिसेप्शन पुढील आठवड्यात मुंबईत ठेवले जाणार आहे.येत्या 2 फेब्रुवारीला मुंबईत रिसेप्शन आयोजित केले जाण्याची शक्यता आहे.

हे रिसेप्शन पंचतारांकित हॉटेलमध्ये असल्याची शक्यता वर्तवण्यात आली आहे. या रिसेप्शनला संपूर्ण बॉलिवूड सहभागी होण्याची शक्यता वर्तवली जात आहे. शाहरुख खान, कॅटरीना कैफ, जॅकलीन फर्नांडिस, श्रद्धा कपूर यांसारखे कलाकार सहभागी होऊ शकतात.नताशा दलाल एक प्रसिद्ध फॅशन डिझायनर आहे.

तिने आतापर्यंत अनेक बॉलिवूडमधील सेलेब्रिटींसाठी ड्रेस डिझाईन केले आहेत. तसेच वरुण धवन आणि नताशा लहापणापासूनचे मित्र आहेत. नताशाने न्यूयॉर्कमधून फॅशन डिझाईनिंगचे शिक्षण घेतले आहे. सध्या ती मुंबईत आई -वडिलांसोबत राहते. नताशाचे वडील उद्योगपती असून आई गृहिणी आहे. विशेष म्हणजे नताशाचा आवडता अभिनेताही वरुण धवन आहे. तसेच ती स्केच आणि डॉग लव्हर आहे.

संबंधित बातम्या : 

Unseen Roka Photos | रोका सेरेमनीचे वरुण-नताशाचे फोटो पाहून, चाहते म्हणाले, ‘व्वा क्या बात है…’

‘तुझा आणि सुशांतचा फोटो पाठव’, फॅन्सची मागणी, त्यावर अंकिता लोखंडेने पाठवला ‘तो’ फोटो…

(Actor Varun Dhawan did Twitter for the fans)