आपल्याच वडिलांना भेटण्यासाठी आर्यनला घ्यावी लागायची अपॉईंटमेंट, NCB कस्टडीत शाहरुखच्या लेकाचा खुलासा!

मुंबई : बॉलिवूडचा बादशाह शाहरुख खान (Shah Rukh Khan) अनेक दशकांपासून आपल्या चाहत्यांचे मनोरंजन करत आहे. शाहरुख खान त्याच्या कामात खूप व्यस्त आहे. अभिनय, निर्मिती निर्मिती व्यतिरिक्त, इतर अनेक कामे आहेत ज्यात किंग खान खूप व्यस्त आहे. आजकाल शाहरुख खान एकाच वेळी अनेक नव्या प्रकल्पांवर काम करत आहे. यामुळे त्याचे वेळापत्रक खूप व्यस्त आहे. अशा परिस्थितीत, त्याच्या स्वतःच्या मुलांना सुद्धा त्याला भेटण्यासाठी भेट ठराविक वेळ घ्यावी लागते. याचा खुलासा खुद्द शाहरुख खानचा मोठा मुलगा आर्यन याने केला आहे.

आर्यनने एनसीबी चौकशीमध्ये त्याच्या वडिलांच्या व्यस्त वेळापत्रकाबद्दल माहिती दिली आहे. सूत्रांनुसार, आर्यन खानने एनसीबीला चौकशी दरम्यान सांगितले की, त्याचे वडील सध्या तीन चित्रपटांचे एकत्र शूटिंग करत आहेत. शाहरुख सध्या त्याच्या आगामी पठाण चित्रपटासाठी खूप मेहनत घेत आहे. पठाणमधील भूमिकेसाठी शाहरुख खानला अनेक तास मेकअपमध्ये राहावे लागते.

पप्पांना भेटण्यासाठी अपॉईंटमेंट घ्यावी लागते!

आर्यन खान म्हणाला की, माझे वडील इतके व्यस्त आहेत की कधीकधी मला पप्पांना भेटण्यासाठी त्यांची मॅनेजर पूजाकडून अपॉईंटमेंट घ्यावी लागते. तरच, मी माझ्या वडिलांना भेटू शकेन. आर्यन खानला ड्रग्स प्रकरणात एनसीबीने अटक केली आहे. मुंबईहून गोव्याला जाणाऱ्या क्रूझमध्ये एनसीबीला मोठ्या प्रमाणात औषधे सापडली. एनसीबीने ड्रग्ज प्रकरणात आर्यन खानसह 11 जणांना अटक केली आहे.

सोमवारी एनसीबीने आर्यन खानला किल्ला कोर्टात हजर केले. आर्यन अजूनही एनसीबीच्या ताब्यात आहे. एनसीबी आर्यनची सतत चौकशी करत आहे. आर्यनला 7 ऑक्टोबरपर्यंत एनसीबीच्या ताब्यात राहावे लागणार आहे. आर्यन चौकशीत सहकार्य करत असल्याचे सूत्रांनी सांगितले होते. तथापि, या काळात तो खूप अस्वस्थ दिसत आहेत. आर्यनने कबूल केले आहे की, तो ड्रग्स एक छंद म्हणून घेत होता. तो गेल्या 4 वर्षांपासून अशी ड्रग्ज घेत होता.

जामीन मिळवण्यासाठी शाहरुखची धडपड

आपल्या मुलाला जामीन मिळवण्यासाठी शाहरुख खानने मोठे प्रयत्न केले होते. शाहरुख आणि गौरी खान यांनी आपला विदेशातील दौरा रद्द करत या आपल्या मुलाच्या प्रकरणात लक्ष घातलं होतं. इतकंच नाही तर वकिलांमार्फत शाहरुख खान आणि आर्यनचं दोन मिनिटे बोलणंही झाल्याचं सांगण्यात येत आहे. यावेळी आर्यन खान रडल्याची माहिती मिळतेय. एनसीबीच्या सूत्रांनी दिलेल्या माहितीनुसार, आर्यनने चौकशी दरम्यान कोठडीत कबूल केले आहे की तो गेल्या चार वर्षांपासून ड्रग्ज घेत होता. त्याने केवळ भारतातच नाही तर दुबई, यूके आणि इतर अनेक देशांतही अंमली पदार्थांचे सेवन केले आहे. चौकशीत असे समोर आले आहे की अरबाज मर्चंट देखील आर्यनसोबत सतत ड्रग्ज घेत होता. चौकशीदरम्यान आर्यन सतत रडत असल्याचेही समोर आले आहे. एनसीबीने आर्यनला फोनवर शाहरुखशी बोलण्याचीही मुभा दिली होती.

हेही वाचा :

‘पत्नी म्हणून मला समीरचा खूप अभिमान!’, अभिनेत्री क्रांती रेडकरकडून ‘सिंघम’ अधिकारी समीर वानखेडेंचं कौतुक!

जो अख्खं जहाज खरेदी करु शकतो, त्याला ड्रग्ज विकायची गरज काय, आर्यन खानच्या युक्तीवादातील 10 मुद्दे

‘पत्नी म्हणून मला समीरचा खूप अभिमान!’, अभिनेत्री क्रांती रेडकरकडून ‘सिंघम’ अधिकारी समीर वानखेडेंचं कौतुक!#KrantiRedkar | #SameerWakhende | #NCBhttps://t.co/TkoaSZQz3b

— TV9 Marathi (@TV9Marathi) October 5, 2021