Video | चक्क फराह खान हिने उडवली करण जोहर याच्या कपड्यांची खिल्ली, रस्त्यावरच म्हणाली…

मुंबई : फराह खान हिचा भाऊ साजिद खान हा बिग बाॅस 16 (Bigg Boss 16) मध्ये दाखल झाल्यानंतर मोठा हंगामा झाला. त्यानंतर बिग बाॅस 16 मध्ये फॅमिली विकमध्ये फराह खान ही थेट बिग बाॅस 16 मध्ये पोहचली होती. बिग बाॅस 16 चा फिनाले होऊन आता बरेच दिवस उलटले आहेत. बिग बाॅस 16 च्या घरातील सर्व सदस्यांसाठी फराह खान (Farah Khan) हिने खास पार्टीचे आयोजन केले होते. या पार्टीत सर्वजण धमाल करताना दिसले. या पार्टीत फक्त बिग बाॅस 16 मधील सदस्यच नाहीतर अनेक बाॅलिवूड (Bollywood) स्टार देखील उपस्थित होते. या पार्टीमधील अनेक फोटो आणि व्हिडीओ सोशल मीडियावर व्हायरल झाले.

करण जोहर हा देखील कायमच चर्चेत असतो. नुकताच फराह खान हिने सोशल मीडियावर एक खास व्हिडीओ शेअर केला आहे. या व्हिडीओमध्ये फराह खान आणि करण जोहर हे दिसत आहे. सर्वांनाच माहिती आहे की, फराह खान आणि करण जोहर हे दोघे खूप चांगले मित्र आहेत. इतकेच नाहीतर यांनी अनेकदा सोबत कामही केले आहे.

फराह खान हिने शेअर केलेल्या व्हिडीओमध्ये दोघेही एकमेकांचा मजाक उडवताना दिसत आहेत. विशेष म्हणजे फराह खान आणि करण जोहर यांचा हा व्हिडीओ चाहत्यांना प्रचंड आवडलाय. या व्हिडीओवर मोठ्या प्रमाणात कमेंट करताना चाहते हे दिसत आहेत. आता हा व्हिडीओ सोशल मीडियावर तूफान व्हायरल होत आहे.

View this post on Instagram

A post shared by Farah Khan Kunder (@farahkhankunder)

या व्हिडीओमध्ये दिसत आहे की, करण जोहर आणि फराह खान हे लॉस एंजिल्सच्या रोडवर एकमेकांना भेटतात. यावेळी फराह खान ही करण जोहर याला विचारते की, तू इथे काय करत आहे? ज्यावर करण जोहर म्हणतो की, फराहला बेव्हरली हिल्समध्ये पाहून धक्का बसला. यानंतर करण जोहर याच्या फॅशन सेन्सची खिल्ली उडवताना फराह खान दिसते.

फराह खान ही करण जोहर याला म्हणते की, ख्रिसमसला खूप वेळ आहे आणि त्याला विचारते की, तू हिरव्या ड्रेसमध्ये का? परत फराह म्हणते संपूर्ण ख्रिसमस ट्री येथे आहे….करण जोहर मग तिची बॅग घेतो आणि म्हणतो की बीचवर जायला खूपच उशीर झाला आहे…दोघेही एकमेकांच्या फॅशन सेन्सची खिल्ली उडवताना दिसले. शेवटी करण जोहर हा थेट फराह खान हिला टूडल्स असे म्हणतो…मग फराह खान ही करण जोहर याला नूडल्स म्हणते आणि तिथून निघून जाते. आता हाच व्हिडीओ व्हायरल होताना दिसत आहे.