Kangana Ranaut | नवाजुद्दीन सिद्दीकी याच्या समर्थनार्थ कंगना राणावत मैदानात? वाचा काय म्हणाली अभिनेत्री
नवाजुद्दीन सिद्दीकी याच्या पर्सनल आयुष्यामध्ये मोठे वादळ आल्याचे दिसत आहे. आलिया सिद्दीकी ही नवाजुद्दीन सिद्दीकी याच्यावर सतत गंभीर आरोप करताना दिसत आहे. यांचा वाद थेट आता कोर्टामध्ये जाऊन पोहचला आहे.
मुंबई : नवाजुद्दीन सिद्दीकी हा गेल्या काही दिवसांपासून त्याच्या पर्सनल लाईफमुळे प्रचंड चर्चेत आहे. नवाजुद्दीन सिद्दीकी (Nawazuddin Siddiqui) याची पत्नी आलिया हिने त्याच्यावर अनेक गंभीर आरोप केले आहेत. आलिया सिद्दीकी हिने सोशल मीडियावर एक व्हिडीओ शेअर करत मध्यरात्री मला माझ्या मुलांसह घराबाहेर काढल्याचा आरोप केला होता. हा व्हिडीओ (Video) शेअर झाल्यानंतर अनेकांनी नवाजुद्दीन सिद्दीकी याच्यावर टिका केली होती. व्हिडीओमध्ये आलिया ही तिच्या मुलांसोबत नवाजुद्दीन सिद्दीकी याच्या बंगल्याबाहेर उभी दिसत होती. हा व्हिडीओ शेअर करताना आलिया सिद्दीकी हिने म्हटले होते की, माझ्याकडे फक्त 81 रूपये असून मी कुठे जाऊ मलाच आता कळत नाहीये.
गेल्या काही दिवसांपासून नवाजुद्दीन सिद्दीकी याची पत्नी आलिया ही त्याच्यावर सतत गंभीर आरोप करत आहे. नवाजुद्दीन सिद्दीकी याच्यावर आरोप करत तिने अनेक व्हिडीओ सोशल मीडियावर शेअर केले आहेत. आता नवाजुद्दीन सिद्दीकी आणि त्याच्या पत्नीचा वाद थेट कोर्टापर्यंत पोहचला आहे. यामध्ये दररोज धक्कादायक खुलासे देखील होत आहेत.
आलिया सतत नवाजुद्दीन सिद्दीकी याच्यावर आरोप करत असताना नवाजुद्दीन सिद्दीकी हा काहीही बोलणे टाळत होता. मात्र, शेवटी आता तीन पानाचे मोठे पत्र नवाजुद्दीन सिद्दीकी याने सोशल मीडियावर शेअर केले आहे. यामध्ये नवाजुद्दीन सिद्दीकी याने काही मोठे खुलासे देखील केले आहेत. आता यावर चाहते मोठ्या प्रमाणात कमेंट करताना दिसत आहेत.
Silence doesn’t always give us peace, @Nawazuddin_S saab, there are many fans and well wishers of yours who care to know your side of the story ? https://t.co/yEwuHXmHCH
— Kangana Ranaut (@KanganaTeam) March 6, 2023
बाॅलिवूड अभिनेत्री कंगना राणावत हिने नुकताच नवाजुद्दीन सिद्दीकी याने शेअर केलेली पोस्ट रिशेअर केलीये. ही पोस्ट शेअर करताना कंगना राणावत हिने लिहिले की, मौन आपल्याला कधीही शांती देत नाही नवाजुद्दीन साहब… तुमचे अनेक चाहते आणि हितचिंतक आहेत जे तुमची बाजू जाणून घेण्यास इच्छूक आहेत. कंगनाच्या या पोस्टवर चाहत्यांनी मोठ्या प्रमाणात कमेंट केल्या आहेत.
आता कंगना राणावत हिची ही पोस्ट व्हायरल होताना दिसत आहे. काही दिवसांपूर्वी आलिया सिद्दीकी हिच्या वकिलाने नवाजुद्दीन सिद्दीकी याच्यावर गंभीर आरोप केले होते. मुलांसह आपल्याला घराबाहेर मध्यरात्री काढल्याच्या आरोपावर एक निवेदन प्रसिध्द करत नवाजुद्दीन सिद्दीकी याने म्हटले होते की, ते घर माझ्या आईच्या नावावर आहे आणि त्यासंदर्भातील सर्व निर्णय घेण्याच्या अधिकार फक्त तिला आहे.