आजवरची सर्वात हटके भूमिका, नाना पाटेकर यांच्या शेवटच्या सिनेमाचं काय होणार? निर्मात्याची मोठी घोषणा
अभिनेते नाना पाटेकर यांच्या निधनाने देश हळहळला आहे. त्यांचे अनेक चित्रपट आणि सामाजिक कार्य अर्धवट राहिले आहेत. त्यांचा शेवटचा सिनेमा 'द कन्फेशन ऑफ मेरी' तयार असून, निर्मात्यांनी त्याच्या भवितव्याबाबत महत्त्वपूर्ण माहिती दिली आहे. या सिनेमात नानांनी फादरची हटके भूमिका साकारली आहे.
अभिनेता नाना पाटेकर यांचं अचानक निधन झाल्याने संपूर्ण देशाला धक्का बसला आहे. कालची सुरुवातच वेदनादायी बातमीने सुरू झाली. नाना गेल्याचं कळताच सर्वांच्याच काळजाचा ठोका चुकला. त्यामुळे काहींनी गोव्याकडे तर काहींनी पुण्याकडे धाव घेतली. नानांचं अखेरचं दर्शन घेण्यासाठी प्रचंड गर्दी उलटली होती. अनेकांना अश्रू अनावर होत होते. अखेर रात्री उशिरा नाना पाटेकर यांच्या पार्थिवावर अंतिम संस्कार करण्यात आले. नाना गेल्यानंतर त्यांचे अनेक कार्य अर्धवट राहिले आहेत. त्यांचे सिनेमे आणि सामाजिक कार्याला त्याचा सर्वाधिक फटका बसला आहे.
नाना पाटेकर यांचा शेवटचा सिनेमा बनून तयार आहे. त्याचं काही काम बाकी आहे. ‘द कन्फेशन ऑफ मैरी’ असं या सिनेमाचं नाव आहे. श्रेयांस हिरावत हे या सिनेमाचे निर्माते आहेत. नानांच्या जाण्याने श्रेयांस यांना सुद्धा धक्का बसला आहे. नाना गेल्याचं ऐकून आधी त्यांना विश्वास बसला नाही. त्यामुळे त्यांनी नानांचा मुलगा मल्हारला फोन केला. मल्हार यांनी वडील गेल्याचं त्यांना सांगितलं. मल्हारच्या तोंडून हे शब्द ऐकताच मी जागीच थिजलो, असं श्रेयांस यांनी ‘स्क्रिन’शी बोलताना सांगितलं.
नानांना न भेटल्याचा पश्चात्ताप
मी माझ्या भावना रोखू शकलो नव्हतो. नानांसोबत झालेलं शेवटचं बोलणं डोक्यात घुमत होतं. त्यांना परत भेटण्याची संधी गमावली याचाच मला पश्चात्ताप होतोय, असं श्रेयांस यांनी सांगितलं. दोन आठवड्यांपूर्वी नाना पाटेकर यांच्याशी फोनवर बोलणं झालं होतं. टोरँटो फिल्म फेस्टिव्हलमध्ये ‘द कन्फेशन ऑफ मैरी’ हा सिनेमा दाखवण्यात आल्याने नाना पाटेकर खूप खूश होते. एक्साइटेड होते. दरम्यान, 14 सप्टेंबर रोजी झालेल्या स्क्रिनिंगला ते उपस्थित नव्हते. पण त्यांनी प्रेक्षकांच्या प्रतिक्रिया काय आहेत हे विचारलं होतं, असं श्रेयांस म्हणाले.
शेवटचं काय झालं बोलणं?
नाना पाटेकर यांच्याशी शेवटचं बोलणं झालं तेव्हा ते ठणठणीत दिसत होते. फोन ठेवण्यापूर्वी त्यांनी, जेव्हा मी मुंबईत परत येईल, तेव्हा मला भेट असं सांगितलं होतं. पण आता त्यांची कधीच भेट होणार नाही याचं शल्य माझ्या मनाला कायम राहील. नवरात्रीत आरामात त्यांना भेटू असं वाटलं होतं. पण आयुष्य मला ही संधी देणार नाही याची मला थोडीही कुणकुण नव्हती. ते पूर्णपणे फिट होते. निरोगी होते. असं काही घडेल असं त्यांच्याशी बोलताना जराही वाटलं नव्हतं, असंही त्यांनी सांगितलं.
View this post on Instagram
‘द कन्फेशन ऑफ मैरी’ या सिनेमाचं संपूर्ण शुटिंग शेड्युल झालं होतं. डबिंगचं कामही झालं होतं. काही संवादात थोडेफार बदल करायचे होते. ते पेंडिंग होते. आता त्याची काही चिंता नाही. हे काम पूर्ण करण्याचा कोणता ना कोणता मार्ग निघेल, असं त्यांनी स्पष्ट केलं. ‘द कन्फेशन ऑफ मैरी’ शिवाय नाना पाटेकर यांचे ‘शक्ति शालिनी’ आणि ‘ईठा’ हे दोन सिनेमे प्रदर्शनाच्या मार्गावर आहेत.
‘द कन्फेशन ऑफ मैरी’ या सिनेमात नाना पाटेकर यांनी आजवरची सर्वात वेगळी भूमिका साकारली आहे. नानांने या सिनेमात चर्चमधील फादरची भूमिका साकारली आहे. यातील नानांचा लूक अत्यंत वेगळा दिसतोय. त्यामुळे या सिनेमाबाबत सर्वांनाच उत्सुकता होती.
