Navratri 2021 Special Song : ‘घनी कूल छोरी’ ते ‘रामो रामो’पर्यंत, नवरात्रीच्या प्लेलिस्टमध्ये आवर्जून सामील करा ‘ही’ गाणी!

नवरात्रोत्सवाचा (Navratra 2021) आजपासून प्रारंभ झाला आहे. आई जगदंबेचं आगमन झालं आहे आणि संपूर्ण देश हा उत्सव मोठ्या थाटामाटात साजरा करणार आहे. नवरात्रीमध्ये प्रत्येकजण आपले टेन्शन विसरतो आणि दांडिया आणि गरब्याच्या मस्तीमध्ये नाचू लागतो.

Navratri 2021 Special Song : ‘घनी कूल छोरी’ ते ‘रामो रामो’पर्यंत, नवरात्रीच्या प्लेलिस्टमध्ये आवर्जून सामील करा ‘ही’ गाणी!
Navratri songs


मुंबई : नवरात्रोत्सवाचा (Navratra 2021) आजपासून प्रारंभ झाला आहे. आई जगदंबेचं आगमन झालं आहे आणि संपूर्ण देश हा उत्सव मोठ्या थाटामाटात साजरा करणार आहे. नवरात्रीमध्ये प्रत्येकजण आपले टेन्शन विसरतो आणि दांडिया आणि गरब्याच्या मस्तीमध्ये नाचू लागतो. मात्र, सध्या कोरोना महामारीमुळे सार्वजनिक कार्यक्रमांवर बंदी घालण्यात आली असली तरी हळूहळू आयुष्य पुन्हा रुळावर येत आहे आणि प्रत्येकजण पूर्वीप्रमाणे सण साजरा करत आहे.

नवरात्रीमध्ये गाणी ऐकल्यावर सगळ्यांचेच पाय थिरकू लागतात. नवरात्रीच्या गाण्यांचे ठोके ऐकून तुम्ही नाचण्यापासून स्वतःला रोखू शकत नाही. आज, या शुभ दिवशी, आम्ही तुम्हाला काही बॉलिवूड गाण्यांबद्दल सांगू, ज्याशिवाय तुमची नवरात्री प्लेलिस्ट अपूर्ण असू शकते…

घनी कूल छोरी

तापसी पन्नूचा ‘रश्मी रॉकेट’ हा चित्रपट लवकरच प्रदर्शित होणार आहे. त्याचे नवरात्री स्पेशल गाणे चित्रपटाच्या रिलीजपूर्वी रिलीज करण्यात आले आहे. या गाण्याचे नाव आहे ‘घनी कूल छोरी’. या गाण्यात तापसी गरबा करताना दिसत आहे. हे गाणे ऐकल्यानंतर तुम्ही नाचण्यापासून स्वतःला रोखू शकणार नाही.

रामो रामो

अजय देवगणचा ‘भुज: द प्राइड ऑफ इंडिया’ काही काळापूर्वी प्रदर्शित झाला आहे. या चित्रपटाचे गाणे रामो-रामो तुमची नवरात्री विशेष बनवेल. सोनाक्षी सिन्हाने या गाण्यावर जबरदस्त डान्स केला आहे.

मेहंदी

नवरात्री सुरू होण्याआधीच या उत्सवावर गाणी तयार होऊ लागतात. गायिका ध्वनी भानुशालीचे ‘मेहंदी’ हे गाणे नुकतेच प्रदर्शित झाले आहे. या गाण्यात ध्वनी गरबा आणि दांडिया करताना दिसत आहे. हे गाणे तुमच्या नवरात्रीच्या प्लेलिस्टसाठी योग्य आहे.

ढोली तारो ढोल बाजे

‘हम दिल दे चुके सनम’ चित्रपटातील या गाण्याशिवाय गरबा नाईट पूर्णपणे अपूर्ण आहे. हे सर्वात प्रसिद्ध गरबा गाणे आहे.

छोगाडा

आयुष शर्माच्या पहिला चित्रपट ‘लवयात्री’मध्ये अनेक गरबा आणि दांडिया गाणी आहेत, जी तुम्ही तुमच्या प्लेलिस्टमध्ये जोडू शकता.

राधे राधे

आयुष्मान खुरानाच्या ‘ड्रीम गर्ल’ चित्रपटातील राधे-राधे तुमच्या नवरात्रीच्या प्लेलिस्टमध्ये एक परिपूर्ण गाणे बनू शकते. जर तुम्ही या गाण्यावर दांडिया करू शकता, तर ते तुमच्या यादीत समाविष्ट करायला विसरू नका.

हेही वाचा :

Happy Birthday Sharad Kelkar | कधी काळी क्रीडा शिक्षक म्हणून काम करायचा शरद केळकर, आता बॉलिवूडमध्ये गाजवतोय नाव!

‘तू माझ्यासाठी सगळं काही आहेस…’, 11 वर्षांनी मोठ्या अभिनेत्रीच्या प्रेमात पडलाय ‘बिग बॉस OTT’ फेम झीशान!

Shiddat Movie Review : प्रेमकथेवर आधारित चित्रपटात सनी कौशल-राधिका मदनचा दमदार अभिनय, वाचा कसा आहे ‘शिद्दत’?

Indian Idol Marathi : अजय-अतुल पहिल्या ‘इंडियन आयडल- मराठी’चे परीक्षक- भव्य भित्तिचित्राद्वारे घोषणा!

Read Full Article

Click on your DTH Provider to Add TV9 MARATHI