Supriya Sule | सुप्रिया सुळे आहेत शाहरुख खान याच्या मोठ्या फॅन, पठाण चित्रपटावर म्हणाल्या लोक हे फक्त…

मुंबई : शाहरुख खान याचा पठाण (Pathaan) हा चित्रपट चार दिवसांपूर्वीच रिलीज झालाय. या चित्रपटाने बाॅक्स आॅफिसवर धमाका केलाय. हा चित्रपट पाहून अनेकांनी शाहरुख खान (Shah Rukh Khan)  याचे काैतुक केले. पठाण हा चित्रपट २५ जानेवारी रोजी रिलीज झालाय. प्रेक्षकांमध्ये या चित्रपटा विषयी क्रेझ दिसत आहे. या चित्रपटाने पहिल्या दिवशी भारतामध्ये ५४ कोटीचे बाॅक्स आॅफिस कलेक्शन केले. जगभरातून १०० कोटींचे कलेक्शन करत पठाण चित्रपटाने धमाका केला. तसेच विकेंडचा फायदा देखील चित्रपटाला होण्याची शक्यता आहे. पठाण चित्रपट रिलीज होण्याचा अगोदर मोठा वाद निर्माण झाला होता. या वादाचे कारण म्हणजे दीपिका पादुकोण हिने पठाण चित्रपटामध्ये भगव्या रंगाची बिकिनी घातली होती. पठाण चित्रपटामुळे हिंदूच्या भावना दुखावल्या जात असल्याचा आरोप सातत्याने केला जात होता. मात्र, या वादाचा काही तोटा चित्रपटाला झाला नसल्याचे बाॅक्स आॅफिस कलेक्शन वरून स्पष्ट होते आहे.

सोशल मीडियावरही शाहरुख खान याच्या पठाण चित्रपटाची हवा बघायला मिळत आहे. या चित्रपटामध्ये शाहरुख खान याच्यासोबत दीपिका पादुकोण देखील मुख्य भूमिकेत आहे. दीपिका पादुकोण हिचे देखील पठाण चित्रपटासाठी काैतुक केले जातंय.

आता राष्ट्रवादी काँग्रेसच्या नेत्या आणि खासदार सुप्रिया सुळे या देखील पठाण चित्रपटाच्या फॅन झाल्या असून पठाण चित्रपट बघितल्यानंतर सुप्रिया सुळे यांनी शाहरुख खान याचे तोंड भरून काैतुक केले आहे.

इतकेच नाहीतर सुप्रिया सुळे यांनी थेट लोक शाहरुख खान याच्यावर जळतात, असेही म्हटले आहे. सुप्रिया सुळे यांनी पुढे म्हटले की, मी शाहरुख खान याची मोठी फॅन आहे.

पठाण चित्रपटावर प्रतिक्रिया देत सुप्रिया सुळे म्हणाल्या, लोक शाहरुख खान याच्या सक्सेसवर जळतात. शाहरुख खान हा भारताचा सुपरस्टार आहे. दीपिका पादुकोण हिने देखील चित्रपटामध्ये जबरदस्त भूमिका केल्याचे देखील सुप्रिया सुळे यांनी म्हटले.

पहिल्या दिवशी पठाण चित्रपटाने 57 कोटी, दुस-या दिवशी 70.50 कोटी आणि तिसर्‍या दिवशी 36 कोटीचे बाॅक्स आॅफिस कलेक्शन भारतामध्ये केले आहे. भारतात एकूण 163.50 कोटींची कमाई पठाण चित्रपटाने केली आहे. जगभरातील कमाईबद्दल बोलायचे झाले तर 280 ते 290 कोटींचे अंदाजे बाॅक्स आॅफिस कलेक्शन चित्रपटाने केले आहे.