गायिका नेहा भसिनच्या भावाने युक्रेनियन गर्लफ्रेंडशी केलं लग्न; युद्धामुळे तिने सोडला देश

‘चाशनी’, ‘स्वॅग से स्वागत’, ‘जग घुमेया’, ‘कुछ खास है’ यांसारखे सुपरहिट बॉलिवूड गाणी गाणारी प्रसिद्ध गायिका नेहा भसिनच्या (Neha Bhasin) भावाने नुकतंच युक्रेनियन (Ukraine) गर्लफ्रेंडशी लग्नगाठ बांधली. अनुभव भसिनने त्याच्या इन्स्टाग्राम अकाऊंटवर या लग्नाचे फोटो पोस्ट केले आहेत. ॲना होरोदेस्का असं त्याच्या गर्लफ्रेंडचं नाव असून दिल्लीत मोजक्या पाहुण्यांच्या उपस्थितीत अनुभवने लग्न केलं. ॲना ही मार्च महिन्यापर्यंत युक्रेनमधील कीव (Kyiv) शहरात राहत होती. रशिया-युक्रेनमधील युद्ध सुरू झाल्यानंतर 17 मार्च रोजी ती युक्रेन सोडून भारतात आली. गेल्या चार वर्षांपासून अनुभव आणि ॲना एकमेकांना डेट करत आहेत.

‘आमची पहिल्यांदा भेट झाल्यापासून ते आतापर्यंतचा हा प्रवास अनेक चढउतारांचा होता. आम्ही दोघांनी एकत्र प्रत्येक आव्हानाचा सामना केला आणि त्यातून मार्ग काढत इथपर्यंत आलो. तुझ्यासोबत मी माझ्या आयुष्याच्या नव्या प्रवासाची सुरुवात करण्यास फार उत्सुक आहे’, असं कॅप्शन देत अनुभवने लग्नाचे फोटो पोस्ट केले आहेत. या फोटोंवर नेहाने कमेंट करत लिहिलं, ‘लव्ह यू ॲना, अनु’. नेटकऱ्यांनीही या दोघांवर शुभेच्छांचा वर्षाव केला. लग्नापूर्वीच्या विधींचेही काही फोटो अनुभवने सोशल मीडियावर पोस्ट केले आहेत.

पहा लग्नाचे फोटो-

View this post on Instagram

A post shared by Anubhav Bhasin (@anubhav_bhasinn)

कीवमध्ये असताना ॲनाने ‘बीबीसी’ला दिलेल्या मुलाखतीत युद्धादरम्यान तिला आलेल्या अनुभवाविषयी व्यक्त झाली होती. “24 फेब्रुवारी रोजी मी बॉम्बच्या आवाजाने जागी झाले आणि माझ्या डोक्याच पहिला विचार हा आला की, मी स्वप्न पाहतेय का? जेव्हा मी अनुभव आणि इतरांचे मेसेज वाचले तेव्हा मला समजतं की रशियाकडून हल्ला करण्यात आला आहे”, असं तिने सांगितलं. युद्धाच्या पार्श्वभूमीवर ॲनाने भारतात येण्याचा निर्णय घेतला. 17 मार्च रोजी भारतात आल्यानंतर अनुभवने तिला लग्नासाठी प्रपोज केलं.

हेही वाचा:

“बॉलिवूड चित्रपट दक्षिणेत का चालत नाही?”; सलमानच्या प्रश्नाचं रामचरणने दिलं उत्तर

‘त्याने माझ्या पत्नीला स्पर्श करण्याचा प्रयत्न केला’; आयेशा टाकियाच्या पतीचा CISF अधिकाऱ्यावर आरोप