Shamshera: ‘सुख म्हणजे..’ मालिकेतील मराठी अभिनेता रणबीरच्या ‘शमशेरा’ चित्रपटात महत्त्वपूर्ण भूमिकेत
'शमशेरा' ही बॉलिवूडमधील पीरिअड ॲक्शन फिल्म आहे. आदित्य चोप्राने या चित्रपटाची निर्मिती केली असून करण मल्होत्रा याचा दिग्दर्शक आहे. 1800 दशकातील काल्पनिक कथेवर हा चित्रपट आधारलेला आहे.
स्टार प्रवाह वाहिनीवरील ‘सुख म्हणजे नक्की काय असतं’ (Sukh Mhanje Nakki Kay Asta) या मालिकेत महत्त्वपूर्ण भूमिका साकारणारे अभिनेते सुनील गोडसे (Sunil Godse) हे लवकरच बॉलिवूड चित्रपटात झळकणार आहेत. विविध मालिकांमध्ये लक्षवेधी भूमिका साकारून प्रेक्षकांची मनं जिंकणारे सुनील हे रणबीर कपूरच्या ‘शमशेरा’ या चित्रपटात भूमिका साकारणार आहेत. ‘शमशेरा’ (Shamshera) हा बॉलिवूडमधील बिग बजेट चित्रपट असून यामध्ये रणबीर कपूर, वाणी कपूर आणि संजय दत्त यांच्या मुख्य भूमिका आहेत. काही दिवसांपूर्वीच या बहुचर्चित चित्रपटाचा ट्रेलर प्रेक्षकांच्या भेटीला आला. या ट्रेलरमध्ये अभिनेते सुनील गोडसे यांची झलक पहायला मिळाली. सुनील यांनी ट्रेलरमधील आपला फोटो शेअर करत सोशल मीडियावर लिहिलं, ‘शमशेरामधील माझी भूमिका 22 जुलै रोजी प्रेक्षकांच्या भेटीला येणार आहे.’ त्यांच्या या फोटोवर लाइक्स आणि कमेंट्सचा वर्षाव होऊ लागला.
‘शमशेरा’ ही बॉलिवूडमधील पीरिअड ॲक्शन फिल्म आहे. आदित्य चोप्राने या चित्रपटाची निर्मिती केली असून करण मल्होत्रा याचा दिग्दर्शक आहे. 1800 दशकातील काल्पनिक कथेवर हा चित्रपट आधारलेला आहे. शमशेरामध्ये एका डाकूची टोळीची ब्रिटीश राजवटीविरुद्ध स्वातंत्र्यासाठी कशी लढते, त्याची कथा सांगण्यात येणार आहे. यामध्ये संजय दत्त हा खलनायकी भूमिकेत दिसणार आहे. रणबीरने 2018 मध्ये ‘संजू’ चित्रपटात मुख्य भूमिका साकारली होती. त्यानंतर त्याचा कोणताच चित्रपट प्रेक्षकांच्या भेटीला आला नव्हता. आता तब्बल चार वर्षांनंतर तो ‘शमशेरा’मधून पुनरागमन करत आहे.
पहा फोटो-
View this post on Instagram
सुनील गोडसे हे मराठी मालिका आणि चित्रपटांमधील लोकप्रिय अभिनेते आहेत. ते सध्या सुख म्हणजे नक्की काय असतं या मालिकेत दादासाहेब शिर्के पाटील यांची भूमिका साकारत आहेत.
