Devraj Patel Death | युट्युबर कॉमेडियन देवराज याचं अपघाती निधन, सोशल मीडियावर शोककळा
Devraj Patel Died | देवराज पटेल हा त्याच्या "दिल से बुरा लगता है" या वाक्यामुळे नेटकऱ्यांचा लाडका झाला होता. देवराजचं हे वाक्य सोशल मीडियावर चांगलंच गाजलं होतं.
रायपूर | सोशल मीडियावर दररोज नेटकऱ्यांना वेगवेगळा कंटेट पाहायला मिळतो. अनेक सोशल मीडिया इन्फ्ल्युएंसर्स आपल्या व्हीडिओच्या माध्यमातून नेटकऱ्यांना आपल्याकडे ओढण्याचा प्रयत्न करत असतात. मात्र काही सोशल मीडिया इन्फ्लुयएंसर्स नेटकऱ्यांना आपल्याकडे सहजपणे ओढून घेतात. त्यापैकी एक म्हणजे युट्युबर कॉमेडियन देवराज. देवराज त्याच्या कॉमेडीने घराघरात पोहचला होता. देवराज नेटकऱ्यांचा लाडका झाला होता. देवराज याचं “दिल से बुरा लगता है”, वाक्य नेटकऱ्यांनी चांगलंच डोक्यावर घेतलं होतं. मात्र देवराजच्या चाहत्यांसाठी आणि एकूणच सर्वांसाठी वाईट बातमी समोर आली आहे.
देवराज पटेल याचं छत्तीसगडमध्ये अपघाती निधन झालं आहे. लाभांडीच्या आसपास देवराज याचा अपघात झाला. भरधाव असलेल्या ट्रकने बाईकला मागील बाजूने धडक दिली.या धडकेत देवराजचं जागीच निधन झालं. देवराजची अकाळी एक्झिट ही मनाला चटका लावणारी आहे. देवराजच्या निधनावर छत्तीसगडचे मुख्यमंत्री भूपेश बघेल यांनी शोक व्यक्त केलंय.
मुख्यमंत्री भूपेश बघेल यांच्याकडून शोक व्यक्त
“दिल से बुरा लगता है” से करोड़ों लोगों के बीच अपनी जगह बनाने वाले, हम सबको हंसाने वाले देवराज पटेल आज हमारे बीच से चले गए.
इस बाल उम्र में अद्भुत प्रतिभा की क्षति बहुत दुखदायी है.
ईश्वर उनके परिवार और चाहने वालों को यह दुःख सहने की शक्ति दे. ओम् शांति: pic.twitter.com/6kRMQ94o4v
— Bhupesh Baghel (@bhupeshbaghel) June 26, 2023
भूपेश बघेल यांचं ट्विट
“दिल से बुरा लगता है” या वाक्याने अनेकांमध्ये आपलं स्थान निर्माण करणारा, आपल्या सर्वांना हसवणारा देवराज पटेल आपल्याला सोडून गेलाय. देवराजने कमी वयात खूप काही मिळवलं. देवराजच्या कुटु्ंबियांना आणि चाहत्यांना त्याचा निधनाचं दु:ख सहन करण्याची ताकद देवोत, ओम् शांति:, असं ट्विट मुख्यमंत्री भूपेंद्र बघेल यांनी केलं आहे.
काही दिवसांपूर्वी देवराज पटेल याने मुख्यमंत्री भूपेश बघेल यांची भेट घेतली होती. भूपेशने या भेटीदरम्यान मुख्यमंत्र्यांसोबत एक व्हीडिओ बनवला होता. हा व्हीडिओ सोशल मीडियावर तुफान व्हायरल झाला होता. “छत्तीसगडमध्ये 2 जण फेमस आहेत, एक मी आणि मोर काका”, असं देवराज म्हणाला होता. तेव्हा मुख्यमंत्र्यांना स्वत:ला हसू आवरता आलं नव्हतं.
सर्वात महत्वाची बाब म्हणजे देवराजला त्याच्या मृत्यूची चूणुक लागली होती की काय, असं आता म्हटलं जात आहे. त्याचं कारण आहे तो भूपेशचा अखेरचा व्हीडिओ. भूपेशने अपघाताच्या 4 तासांआधी एक व्हीडिओ पोस्ट केला होता. भूपेशने या व्हीडिओत सर्वांना बाय केलं. यामुळेच भूपेशला त्याचा मृत्यू दिसला होता का, अशी चर्चा रंगली आहे.
