सीरिजमध्ये असे काही सीन जे करताना अभिनेत्रीची वाईट अवस्था, म्हणाली “मी कधीही विसरू शकणार नाही..”

चित्रपटांमध्ये अनेक असे काही सीन असतात जे करताना अभिनेत्रींना त्रास होतो. विशेषत: जर तो एखादा इंटिमेट सीन असेल किंवा रेप सीन असेल तर अभिनेत्रींना मानसिक तयारीही करावी लागते. अशाच एका रेप सीन दरम्यान एका अभिनेत्रीची अत्यंत वाईट अवस्था झाली होती. ही अभिनेत्री म्हणजे दिया मिर्झा. दियाने तिच्या अभिनयाप्रमाणेच तिच्या सौंदर्याने देखील सर्वांना भुरळ घातली आहे.’धक धक’ आणि ‘नादनिया’मध्ये तिने भूमिका साकारल्यानंतर आता ती ओटीटी प्लॅटफॉर्मवर आलेल्या ‘काफिर’ या वेब सिरीजद्वारे सर्वांची मने जिंकताना दिसत आहे. तिच्या अभिनयाचे कौतुकही केले जात आहे.

आता ही सीरीज चित्रपटाच्या रूपात एका नवीन अवतारात प्रदर्शित होणार आहे. ही कथा एका पाकिस्तानी महिलेची आहे, ज्याची भूमिका दिया मिर्झा साकारत आहे. चित्रपटात तिच्या पात्राचे नाव कैनाज आहे आणि ती चुकून सीमा ओलांडून भारतात येते, त्यानंतर तिला अनेक समस्यांना तोंड द्यावं लागतं. आता दिया मिर्झाने या चित्रपटाच्या शूटिंगबद्दल सांगिताना अनेक किस्से सांगितले त्यातील एक किस्सा म्हणजे तिच्या रेप सीनचा. या सीनवेळी तिची जी वाईट अवस्था झाली होती त्याबद्दल तिने सांगितलं.

‘काफिर’ या सीरिजमध्ये अनेक हृदयद्रावक दृश्ये आहेत, ज्यासाठी दिया मिर्झाचे समीक्षकांनीही कौतुक केले होते. तिच्या अनेक दृश्यांनी प्रेक्षकांना खूप प्रभावित केले. तिने सांगितले की असे अनेक सीन्स होते, जे करताना ती मानसिकदृष्ट्या खचली होती. विशेषतः बलात्काराच्या दृश्यादरम्यान तिच्यासाठी शारीरिक आणि मानसिकदृष्ट्या ते खूप कठीण होते. दियाने तिच्या शूटिंगशी संबंधित एक किस्सा सांगितला.

View this post on Instagram

A post shared by Dia Mirza Rekhi (@diamirzaofficial)