‘दिल की तपिश’ कोण ग्रेट गातं? 11 वर्षाची अंजली की 14 वर्षाची? राहुल देशपांडेंच्या तोडीची गायकी? बघा सर्वाधिक पाहिले जाणारे Videos

छोट्या पडद्यावर सध्या इंडियन आयडॉल या कार्यक्रमाचं 12वं पर्व खूप चर्चेत आहे. या स्पर्धेत सहभागी झालेले स्पर्धक एकाहून एक सरस गाणी गात आहेत.

'दिल की तपिश' कोण ग्रेट गातं? 11 वर्षाची अंजली की 14 वर्षाची? राहुल देशपांडेंच्या तोडीची गायकी? बघा सर्वाधिक पाहिले जाणारे Videos
राहुल देशपांडे आणि अंजली गायकवाड


मुंबई : छोट्या पडद्यावर सध्या इंडियन आयडॉल या कार्यक्रमाचं 12वं पर्व खूप चर्चेत आहे. या स्पर्धेत सहभागी झालेले स्पर्धक एकाहून एक सरस गाणी गात आहेत. यातच मराठमोळी स्पर्धक अंजली गायकवाड (Anjali Gaikwad) हिच्या नावाची चर्चा सध्या अधिक रंगत आहे. मुळची अहमदनगरची असणाऱ्या अंजलीने या आधीही अनेक कार्यक्रमांमध्ये आपल्या गायनाची चुणूक दाखवली आहे. इतकेच नव्हे तर, ‘सारेगमप’च्या लिटील चॅम्प पर्वाची ती विजेती देखील ठरली होती. अंजलीने या कार्यक्रमाच्या ऑडीशनला ‘दिल की तपिश’ हे गाणं सादर केलं होतं (Dil Ki Tapish song by Anjali Gaikwad and Singer Rahul Deshpande).

सध्या अंजलीच्या या गाण्याचा व्हिडीओ इंटरनेटवर खूप पहिला जात आहे. या व्हिडीओला आतापर्यंत 60 हजार लोकांनी लाईक केलं आहे. इतकंच नव्हे तर, याच गाण्यावर सुप्रसिद्ध गायक राहुल देशपांडे (Rahul Deshpande) यांनी देखील या मंचावर एक विशेष सादरीकरण केलं होतं. या दोघांच्या गाण्याचे व्हिडीओ सध्या खूप पाहिले जात आहेत. इतकेच नाही तर, दोघांमध्ये कोणी अधिक सुंदररित्या हे गाणं  सादर केलं यावर देखील चर्चा रंगली आहे.

पाहा राहुल देशपांडे यांचे सादरीकरण

पाहा अंजली गायकवाडचे सादरीकरण

लहानगी अंजली देखील राहुल देशपांडे यांच्यासारख्या कसलेल्या गायकाप्रमाणे हे गाणे सादर करत आहे. अंजलीच्या या सादरीकरणानंतर परीक्षकांनी उभं राहत तिच्यासाठी टाळ्या वाजवल्या होत्या. तर, विशेष अतिथी म्हणून उपस्थित राहिलेल्या राहुल यांच्या गाण्यानंतर परीक्षकांनी मंचावर जात त्यांना मिठी मारली होती.

अंजलीचे कौतुक

अंजलीने या मंचावर अनेक शास्त्रीय गाणी सादर केली आहेत. ‘झुठे नैना बोले…’ या गाण्यातील तिच्या सुरांच्या हरकती ऐकून मंचावर उपस्थित सर्वानीच तिचे कौतुक केले होते. या विशेष भागात प्रसिद्ध अभिनेत्री हेमा मालिनी आणि सध्याची आघाडीची अभिनेत्री जान्हवी कपूर यांनी हजेरी लावली होती. दोघींनीही अंजलीचे खूप कौतुक केले होते (Dil Ki Tapish song by Anjali Gaikwad and Singer Rahul Deshpande).

डिलच अंजलीचे गुरु

आपल्या संगीत प्रवासाविषयी सांगताना अंजली म्हणते, ‘माझ्या घरातच सुरुवातीपासून संगीतमय वातावरण होते. माझे वडीलच माझे गुरु आहेत. ते घरीच मुलांना गायनाचे धडे देतात. मी तीन वर्षांचे होते, तेव्हापासून संगीत ऐकत आणि समजून घेत होते. माझ्या वडिलांनी माझ्यातील कला ओळखली आणि त्यांनी स्वतःच मला प्रशिक्षण देण्यास सुरुवात केली. माझी बहिण नंदिनी माझ्यापेक्षा 2 वर्षांनी मोठी आहे. खरं सांगायचं तर मी माझ्या ताईला बघूनच या क्षेत्रात आले.

रहमान यांनी केले कौतुक

नुकतेच या स्पर्धेत पाहुणे परीक्षक म्हणून प्रसिद्ध गायक-संगीतकार ए.आर.रहमान (A R Rahman) यांनी उपस्थिती लावली लावली होती. यावेळी त्यांनी या स्पर्धकांसोबत अनेक गोष्टी शेअर केल्या आहेत. यावेळी त्यांनी आपण मोकळ्या वेळेत मराठमोळी स्पर्धक अंजली गायकवाड हिची गाणी ऐकत असल्याचे म्हटले होते. इतक्या मोठ्या गायकाकडून आपल्या कलेचे कौतुक ऐकून अंजली गायकवाडचा आनंद गगनात मावेनासा झाला होता.

(Dil Ki Tapish song by Anjali Gaikwad and Singer Rahul Deshpande)

हेही वाचा :

RRR New Poster | ‘आरआरआर’चे नवे पोस्टर प्रदर्शित, रामचरण-ज्युनिअर एनटीआरला एकत्र पाहून चाहत्यांची उत्सुकता शिगेला!

Expensive Car | अर्जुन कपूरने खरेदी केली Land Rover defender, जाणून घ्या या गाडीची किंमत…

Read Full Article

Click on your DTH Provider to Add TV9 MARATHI