Esha Deol | ‘त्यांना वाटायचं आम्हीच स्टार…’, धर्मेंद्र – हेमा मालिनी यांच्याबद्दल ईशा असं का म्हणाली?

मुंबई | 28 ऑगस्ट 2023 : अभिनेते धर्मेंद्र आणि अभिनेत्री हेमा मालिनी यांची मुलगी ईशा देओल कायम कोणत्या न कोणत्या कारणामुळे चर्चेत असते. ईशा हिने बॉलिवूडमध्ये पदार्पण तर केलं पण, ईशा इंडस्ट्रीमध्ये स्वतःची भक्कम ओळख निर्माण करू शकली नाही. पण बॉलिवूडमधील अव्वल अभिनेत्री नसली तरी, ईशा कायम तिच्या खासगी आणि प्रोफेशनल आयुष्यामुळे चर्चेत असते. दरम्यान नुकताच ६९ व्या राष्ट्रीय चित्रपट पुरस्काराची घोषणा झाली आहे. नॉन फीचर फिल्म कॅटेगरीत ईशा देओल हिच्या ‘दुआ’ या सिनेमाला पुरस्कार मिळाला आहे. सिनेमात ईशाने फक्त भूमिका बजावली नसून, सिनेमाची निर्मिती देखील अभिनेत्रीने केली आहे. ईशा देओल निर्मित पहिल्याच सिनेमाला राष्ट्रीय पुरस्कार मिळाला आहे.

पुरस्कार मिळाल्यामुळे अभिनेत्री तुफान चर्चेत आहे. सध्या सर्वत्र ईशा देओल हिची चर्चा रंगत आहेत. आपल्या मुलीच्या यशाबद्दल हेमा मालिनी यांनी सोशल मीडियावर एक पोस्ट शेअर करत आनंद व्यक्त केला आहे. एवढंच नाही, ईशा हिने आई – वडिलांबद्दल मोठं वक्तव्य केलं आहे. वडील धर्मेंद्र यांच्या नावाचा उल्लेख करत अभिनेत्री म्हणाली, ‘मला कायम वडिलांच्या आशीर्वादाची गरज आहे…’

पुढे अभिनेत्री म्हणाली, ‘आपण आपल्या आयुष्यात जे काही करतो, त्यासाठी आपल्याला आई – वडिलांच्या आशीर्वादाची गरज असते. जेव्हा मी ‘दुवा’ सारख्या गंभीर विषयावर काम करते, तेव्हा दोघे पुढाकार घेत काम करण्यासाठी मला उत्सुक करतात. ‘

पुढे अभिनेत्री म्हणाली, ‘माझे आई – वडील दिग्गज कलाकार आहेत. त्यांना कायम वाटतं, की ते स्टार आहेत आणि त्यांची मुलं देखील याच क्षेत्रात करियर करतील तर, लोकांचं लक्ष त्यांच्यावर असेल… म्हणून ते कायम आनंदी असतात…’ सध्या सर्वत्र ईशा देओल हिने केलेल्या वक्तव्याची चर्चा रंगत आहेत.

ईशा देओल स्टारर, ‘दुआ’ सिनेमाबद्दल सांगायचं झालं तर, सिनेमा २०२१ मध्ये प्रदर्शित झाला होता. सिनेमाची कथा गर्भपातावर आधारित आहे. सिनेमात ईशा हिने आईची भूमिका बजावली आहे. सिनेमा तुम्हाला ओटीटी प्लेटफॉर्म जियो सिनेमावर पाहता येणार आहे.

ईशा देओल कायम सोशल मीडियावर सक्रिय असते. सोशल मीडियावर तिच्या चाहत्यांची संख्या देखील फार मोठी आहे. बॉलिवूडमध्ये ईशा आता सक्रिय नसली तरी, सोशल मीडियाच्या माध्यमातून चाहत्यांच्या संपर्कात राहण्याचा प्रयत्न करत असते.