Gautami Patil : वडिलांच्या अंत्यसंस्कासाठी आलेल्या हिंदवी पाटीलला गौतमीने हाकललेलं, तेव्हा नेमकं का घडलेलं?

नृत्यांगणा गौतमी पाटील कायम कोणत्या न कोणत्या कारणामुळे चर्चेत असते. अनेकादा गौतमी तिच्या खासगी आयुष्यामुळे देखील चर्चेत आली. तर गौतमी पाटील आणि हिंदवी पाटील  यांच्या  देखील चर्चा चाहत्यांमध्ये सुरु असतात. पूर्वी दोघी एकाच ग्रुपमध्ये काम करायच्या नंतर त्यांचे मार्ग वेगळे झाले. दरम्यान, एका मुलाखतीत हिंदवी हिने गौतमी हिच्या वडिलांच्या निधनानंतर दोघींमध्ये काय झालं याचा मोठा खुलासा केला.

गौतमी पाटील हिच्या वडिलांचे जेव्हा निधन झालेलं, तेव्हा हिंदवी पाटील भेटायला गेलेली. तेव्हा हिंदवीने गौवमीला सावरण्याचा प्रयत्न केला, पण गोतमी हिने हिंदवीचा हात झटकला आणि त्यांच्याच काही शाब्दिक वाद झाले आणि गौतमी हिने हिंदवीला हाकललं… अशी चर्चा सर्वत्र पसरलेली. यावर एका मुलाखतीत हिंदवी हिने मोठा खुलासा केला आणि तेव्हा नेमकं काय झालं याबद्दल सांगितलं आहे.

गौतमी हिच्या वडिलांच्या अंत्यसंस्कारावेळी नेमकं काय घडलेलं?

हिंदवी पाटील हिने एका मुलाखतीत सांगितल्यानुसार, ‘मी पोहोचली तेव्हा ती नुकताच अंघोळ करून बसलेली. मी सगळ्यांना भेटली, आईंना भाटेली, मामा आजोबा होते तिथे त्यांना भेटली. बोलणं झालं आमचं… पण ती (गौतमी) प्रचंड टेन्शनमध्ये होती. मीडियाने इतका त्रास दिलेला तिला. ती त्या परिस्थितीतच नव्हती…’

‘अनेकदा असं होतं त्या परिस्थितीत ती व्यक्ती फेक आहे, खरंच चांगली आहे, ते कळत नाही. ज्या चर्चा सुरु आहे. त्यामधील सर्वच काही खरं नाही, पण काही गोष्टी खऱ्या आहेत.’, असं देखील हिंदवी पाटील म्हणाली. एवढंच नाही तर, याच कारणामुळे हिंदवी ग्रूपमधून बाहेर पडली का? असा देखील प्रश्न तिला विचारण्यात आला. यावर हिंदवी म्हणाली, ‘असू शकतं काही सांगू शकत नाही…’, असं बोलताना हिंदवी हिच्या डोळ्यात पाणी देखील आहे.

सांगायचं झालं तर, एक काळ असा देखील होता, जेव्हा गौतमी पाटील आणि हिंदवी पाटील एकत्र परफॉर्मर्स करायच्या, पण कालांतराने त्यांच्या फूट पडली आणि दोघींचे मार्ग वेगळे झाले. आता हिंदवी हिचा स्वतःचा ग्रूप आहे. तर तिच्या लोकप्रियतेत देखील मोठी वाढ झाली आहे.