Genelia D’souza Birthday | नॅशनल लेव्हलची फूटबॉल प्लेअर अशी बनली अभिनेत्री, जेनेलियाबद्दलच्या या गोष्टी माहीत आहेत का ?
जेनेलिया डिसूजा ही एक नॅशनल लेव्हल फूटबॉलपटू आहे. मग ते सोडून ती अभिनयाकडे कशी वळली ?
Happy Birthday Genelia D’souza | अभिनेत्री जेनेलिया डिसूजा (Genelia D’souza) हिचा आज, (5 ऑगस्ट ) 36 वा वाढदिवस आहे. सध्या ती अभिनेता मानव कौल याच्यासोबतच्या Trial Period या चित्रपटामुळे चर्चेत आहे. जेनेलिया वयाच्या 15 व्या वर्षापासून अभिनय करत आहे, हे तुम्हाला माहीत आहे का ? तिने केवळ बॉलिवूडमध्येच नव्हे तर साऊथमध्येही काम केलं आहे. पण बऱ्याच लोकांना हे माहीत नसेल की ही बबली गर्ल, अभिनेत्री नॅशनल लेव्हलची फूटबॉल प्लेयरही (football player) होती.
जेनिलिया आणि रितेश देशमुख हे जोडपं सर्वांनाच खूप आवडतं. ते एक लोकप्रिय कपल आहेत. पण जेनेलिया पहिल्यांदा जेव्हा रितेशला भेटली होती, तेव्हा तिला तो बिलकूल आवडला नव्हता. वाचून आश्चर्य वाटलं ना ? पण हे खरं आहे. जेनेलियाबद्दल अशीच काही रंजक माहिती वाचूया.
View this post on Instagram
कशी बनली अभिनेत्री ?
जेनेलियाचा जन्म 5 ऑगस्ट 1987 साली मुंबईतील एका कॅथलिक कुटुंबात झाला. तिला लहानपणापासूनच खेळाची आवड होती आणि शाळेत असताना ती नॅशनल लेव्हलची फूटबॉलपटू होती. मात्र त्यानंतर तिला चित्रपटांत काम करण्याची संधी मिळाली आणि ती या क्षेत्रात आली.
View this post on Instagram
अशी झाली रितेश-जेनेलियाची भेट
जेनेलिया आणि रितेश गेल्या १८ वर्षांपासून एकमेकांसोबत आहे. त्या दोघांना दोन मुलंही आहेत. २००३ साली आलेल्या ‘तुझे मेरी कसम’ या चित्रपटात दोघांनी एकत्र काम केलं होते. रितेशने या चित्रपटातून सिनेसृष्टीत पदार्पण केले होते.
View this post on Instagram
चित्रपटाच्या शूटिंगसाठी पहिल्यांदा भेट झाली तेव्हा रितेश जेनेलियाच्या प्रेमात पडला होता. पण जेनेलियाच्या बाबतीत नेमकं उलटं झालं. तिला तेव्हा तो बिलकूल आवडला नाही. पण एकत्र काम करताना एकमेकांचे स्वभाव कळले, जवळीक वाढली आणि ते प्रेमात पडले. नऊ वर्षांच्या रिलेशनशिपनंतर रितेश-जेनेलिया लग्नबंधनात अडकले.
