IMDb Top 10 Stars: IMDb टॉप स्टार्समध्ये साऊथ सुपरस्टार्सचा डंका; दीपिका-कतरिना यादीतून गायब
IMDb कडून टॉप 10 लोकप्रिय सेलिब्रिटींची यादी जाहीर; पुन्हा एकदा साऊथ सुपरस्टार्सने बॉलिवूडला टाकलं मागे
मुंबई: 2022 हे वर्ष संपण्यासाठी अवघे काही दिवस शिल्लक राहिले आहेत. या वर्षभरात लोकप्रिय ठरलेल्या टॉप 10 सेलिब्रिटींची यादी IMDb ने जाहीर केली. या यादीत साऊथ सुपरस्टार धनुष अग्रस्थानी आहे. मात्र आश्चर्याची बाब म्हणजे दीपिका पदुकोण आणि कतरिना कैफ यांसारख्या बॉलिवूड अभिनेत्रींचा टॉप 10 मध्ये समावेशच नाही. यंदा फक्त चित्रपटांच्या बाबतीतच साऊथ फिल्म इंडस्ट्रीने बाजी मारली नाही. तर लोकप्रिय सेलिब्रिटींच्या बाबतीतही त्यांनी या यादीत बाजी मारली आहे.
IMDb ने जाहीर केलेली टॉप 10 लोकप्रिय स्टार्सची यादी-
1- धनुष 2- आलिया भट्ट 3- ऐश्वर्या राय बच्चन 4- रामचरण तेजा 5- समंथा रुथ प्रभू 6- ऋतिक रोशन 7- कियारा अडवाणी 8- एन. टी. रामा राम ज्युनिअर 9- अल्लू अर्जुन 10- यश
साऊथ स्टार्सचा डंका-
2022 च्या IMDb टॉप 10 सेलिब्रिटींमध्ये साऊथच्या सेलिब्रिटींचा दबदबा पहायला मिळाला. यंदा एक किंवा दोन नाही तर सहा साऊथ सेलिब्रिटींचा टॉप 10 मध्ये सहभाग आहे. धनुष, रामचरण, समंथा, ज्युनिअर एनटीआर, अल्लू अर्जुन आणि यश यांनी टॉप 10 मध्ये स्थान मिळवलंय.
Aaaand we have arrived at the moment we’ve all been waiting for ? Presenting the IMDb Top 10 Most Popular Indian Stars of the year ?
Who was your favourite Indian star this year? ?⭐️ #IMDbBestof2022 pic.twitter.com/w6deLsCZ9y
— IMDb India (@IMDb_in) December 7, 2022
यापैकी अल्लू अर्जुन ‘पुष्पा’मुळे आणि रामचरण, ज्युनिअर एनटीआर हे ‘RRR’ चित्रपटामुळे वर्षभर चर्चेत राहिले. तर यशच्या केजीएफ 2 ने बॉक्स ऑफिसवर धुमाकूळ घातला. गंगुबाई काठियावाडीतील भूमिकेमुळे आलिया भट्टचं कौतुक झालं. तर ब्रह्मास्त्र या चित्रपटामुळेही ती चर्चेत होती. जुग जुग जियो आणि भुल भुलैय्या 2 यांसारख्या चित्रपटांमध्ये अभिनेत्री कियारा अडवाणीने टॉप 10 मध्ये आपली जागा बनवली.
अभिनेत्री ऐश्वर्या राय बच्चनने मणिरत्नम दिग्दर्शित ‘पोन्नियिन सेल्वन- 1’ या चित्रपटातून दमदार कमबॅक केलं. तिच्या अभिनयाची प्रेक्षक-समिक्षकांकडून प्रशंसा झाली. म्हणूनच या यादीत तिने तिसरं स्थान मिळवलंय.
