Video | जावेद अख्तर संतापले, पीएम मोदी आणि सीएम योगी यांनी इस्लाम स्वीकारावा म्हणणाऱ्याला थेट म्हटले, तुझ्या कुटुंबियांनी अजूनही
जावेद अख्तर हे कायमच चर्चेत असतात. जावेद अख्तर आणि कंगना राणावत यांच्यामधील वाद तर सर्वांनाच माहिती आहे. जावेद अख्तर आणि जावेद अख्तर यांच्यामधील वाद हा थेट कोर्टात जाऊन पोहचला आहे. जावेद अख्तर हे सोशल मीडियावरही चांगली सक्रिय दिसतात.
मुंबई : जमातचे मौलाना तौकीर अहमदचा एक व्हिडीओ सध्या सोशल मीडियावर तूफान व्हायरल होताना दिसत आहे. हा व्हिडीओ पाहून अनेकांना धक्का बसलाय. तौकीर अहमद (Tauqeer Ahmed) याने एक अत्यंत मोठी मागणी केल्याचे दिसत आहे. या व्हिडीओवर आता थेट जावेद अख्तर यांनी प्रतिक्रिया दिली आहे. जावेद अख्तर (Javed Akhtar) यांनी मौलाना तौकीर अहमदचा चांगलाच क्लास लावल्याचे पोस्टमध्ये दिसत आहे. अनेकांनी हा व्हिडीओ (Video) पाहून मौलाना तौकीर अहमद याच्यावर टिका केली आहे. अनेकांनी तर थेट हा मौलाना तौकीर अहमद हा पागल असल्याचे देखील म्हटले आहे. बऱ्याच लोकांनी कमेंट करत याच्यावर गुन्हे दाखल करण्याचीही मागणी केलीये.
व्हायरल होणाऱ्या व्हिडीओमध्ये मौलाना तौकीर अहमद हा थेट देशाचे पंतप्रधान नरेंद्र मोदी आणि उत्तर प्रदेशचे मुख्यमंत्री योगी आदित्यनाथ या दोघांनी इस्लाम धर्म स्वीकारला पाहिजे असे म्हटले असून त्याने म्हटले की, या दोघांनी जर इस्लाम धर्म स्वीकारला तर अनेक समस्या कमी होतील आणि परिस्थितीमध्ये बदल होईल.
इतकेच नाही तर पुढे तौकीर अहमद म्हणाला की, 2014 नुसार देशामध्ये 20 लाख मुसलमान आहेत आणि आता संख्या वाढत आहे. यामुळे मोदी आणि योगी यांनीही इस्लाम धर्म स्वीकारला पाहिजे. मौलाना तौकीर अहमदच्या व्हिडीओवर कमेंट करत जावेद अख्तर म्हणाले की, हा बुद्धिहीन जोकर कोण आहे? याच्या कुटुंबीयांनी याला अजून पागल खाण्यामध्ये का टाकले नाहीये.
Who is this retarded joker . ? This imbecile , why his family not committed him to some mental asylum .
— Javed Akhtar (@Javedakhtarjadu) July 7, 2023
लोक सतत तौकीर अहमद याच्या व्हिडीओवर कमेंट करत त्याच्यावर टिका करताना दिसत आहेत. या व्हिडीओमध्ये बरेच दावे करताना देखील तौकीर अहमद हा दिसल आहे. जावेद अख्तर यांनी थेट या तौकीर अहमद याला जोकर म्हटले आहे. सध्या तौकीर अहमद याचा व्हिडीओ चर्चेचा विषय हा नक्कीच ठरला आहे.
सुशांत सिंह राजपूतच्या निधनानंतर 2020 मध्ये कंगना राणावत हिने एक मुलाखत दिली होती. या मुलाखतीमध्ये जावेद अख्तर यांच्या नावाचा उल्लेख कंगना राणावत हिने केला होता. जावेद अख्तर यांनी मला हृतिक रोशनची माफी मागण्याचा सल्ला दिला होता. असे कंगना म्हणाली होती. यानंतर कंगना आणि जावेद अख्तर यांच्यामध्ये सतत वाद बघायला मिळतोय. यांचा वाद थेट कोर्टात पोहचलाय.
