Jawan चित्रपटातील मोठा सरप्राइज उघड; ‘या’ प्रसिद्ध अभिनेत्याच्या खास भूमिकेवरून उचलला पडदा

मुंबई | 7 सप्टेंबर 2023 : शाहरुख खानच्या ‘जवान’ या चित्रपटाने पहिल्याच दिवशी थिएटरमध्ये अक्षरश: धुमाकूळ घातला आहे. प्रेक्षकांमध्ये या चित्रपटाविषयी प्रचंड क्रेझ पहायला मिळतेय. इतकंच काय तर किंग खानचे चाहते ढोल-ताशे घेऊन थिएटरबाहेर जल्लोष साजरा करत आहेत. प्रमुख शहरांमधील ‘जवान’चे सुरुवातीचे शोज हाऊसफुल आहेत. यादरम्यान आता चित्रपटातील एक खास सरप्राइज उघड झाला आहे. शाहरुख खानच्या ‘जवान’मध्ये एक मोठा अभिनेता पाहुण्या कलाकाराच्या भूमिकेत झळकणार असल्याची चर्चा होती. या यादीत अल्लू अर्जुनपासून थलपती विजयपर्यंत अनेक सुपरस्टार्सची नावं घेतली जात होती. मात्र आता त्या नावावरून पडदा उचलण्यात आला आहे. चित्रपट पाहिलेल्यांनी हा सर्वांत मोठा स्पॉयलर सोशल मीडियावर उघड केला आहे.

अटली दिग्दर्शित जवान या चित्रपटात बॉलिवूडचा खलनायक म्हणजेच अभिनेता संजय दत्त पाहुण्या कलाकाराच्या भूमिकेत आहे. संजू बाबाची सरप्राइज एण्ट्री पाहून चाहते खुश झाले आहेत. ट्विटरवर नेटकरी त्याच्या भूमिकेचं तोंडभरून कौतुक करत आहेत. ‘केजीएफ 2’ हा चित्रपट सुपरहिट झाल्यानंतर संजय दत्त सध्या दाक्षिणात्या चित्रपटसृष्टीतील दिग्दर्शकांच्या लोकप्रिय कलाकारांच्या यादीत सहभागी झाला आहे.

Wow have to take time out and thank each and every Fan Club and all of you who have gone so happily in the theatres and even outside. So overwhelmed will surely do the needful as soon as I get my breath back in a day or so. Uff!! Love u for loving #Jawan

— Shah Rukh Khan (@iamsrk) September 7, 2023

पहिल्याच दिवशी प्रेक्षकांकडून मिळणारा भरभरून प्रतिसाद पाहून शाहरुख खानसुद्धा भारावला आहे. त्याने ट्विट करत चाहत्यांचे आभार मानले आहेत. ‘वॉव… यासाठी मला खास वेळ काढावाच लागला. मी माझ्या प्रत्येक फॅन क्लबचे आणि प्रेक्षकांचे आभार मानू इच्छितो, जे इतक्या उत्साहाने थिएटरमध्ये माझा चित्रपट पहायला गेले आहेत. मी खूप भारावून गेलो. नक्कीच मी या प्रेमाची परतफेड लवकराच लवकर करेन. माझ्यावर प्रेम केल्याबद्दल तुम्हालाही माझ्याकडून भरपूर प्रेम’, अशा शब्दांत शाहरुखने चाहत्यांचे आभार मानले आहेत.

#SanjayDutt Cameo Appearance in #Jawan 🔥✅

— Mʀꜱ.Kᴇᴇʀᴛʜɪ (@MrsKeerthi85) September 7, 2023

except sanjay dutt… No cameos by any actor of any industry …#Jawan spoiler 😄 https://t.co/hKXi2YBWXb

— Ded Air (@muralistweetz2) September 7, 2023

जवानने पहिल्याच दिवशी जगभरात 120 कोटी रुपयांची कमाई केली आहे, असा अंदाज चित्रपट व्यापार विश्लेषक वर्तवत आहेत. शाहरुखने स्वत:च्याच चित्रपटाचा रेकॉर्ड मोडला आहे. पठाण या चित्रपटाने पहिल्या दिवशी 57 कोटी रुपयांचा गल्ला जमवला होता. कमाईचा हाच वेग कायम राहिला तर पहिल्याच आठवड्यात ‘जवान’ हा चित्रपट 300 कोटी रुपयांची कमाई करू शकेल.