करीना कपूरप्रमाणे चिमुकल्या तैमूरचाही योगा, स्वतःला फिट ठेवण्यासाठी घेतोय आईकडून व्यायामाचे धडे!

मुंबई : बॉलिवूडची लाडकी बेबो अर्थात अभिनेत्री करीना कपूर-खान (Kareena Kapoor) स्वत:ला फिट ठेवण्यासाठी नेहमी कसरत करताना दिसते. गरोदरपणानंतर करीनाचे वजन कमालीचे वाढले ​​होते. पण, आता बाळाच्या जन्मानंतर करीनाने स्वत:ला तंदुरुस्त ठेवण्यासाठी योगा आणि व्यायाम करायला सुरुवात केली आहे. त्याचवेळी करीनाचा मुलगा तैमूर अली खान (Taimur) देखील त्याच्या आईच्या पावलांवर पाऊल ठेवून पुढे चालत आहे. तो देखील आईसारखाच घरी योगा करत आहे (Kareena Kapoor Khan Share Taimur ali khan yoga photo on instagram).

करीनाने इन्स्टाग्रामवर तैमूरचा एक फोटो शेअर केला आहे, ज्यामध्ये तो योगा मॅटवर पडलेला दिसतो आहे आणि स्ट्रेचिंग देखील करत आहे. मात्र, या फोटोसह करीनाने लिहिलेले कॅप्शन बरेच मजेशीर आहे. करीनाने लिहिले की, ‘हे योगासाठीचे स्ट्रेचिंग कि झोपण्यासाठीचे…काय माहित!

पाहा तैमूरचा फोटो

View this post on Instagram

A post shared by Kareena Kapoor Khan (@kareenakapoorkhan)

चाहत्यांसह अनेक सेलेब्सही तैमूरच्या या फोटोवर बऱ्याच प्रतिक्रिया व्यक्त करत आहेत. तैमूरच्या निरागसपणावर सर्वजण प्रेमाचा वर्षाव करत आहेत.

मोठा भाऊ होताच तैमूर झाला जबाबदार!

मोठा भाऊ झाल्यापासून चिमुकला तैमूर खूपच जबाबदार झाला आहे. काही दिवसांपूर्वी करीनाने तैमूरचा एक फोटो शेअर केला होता, ज्यामध्ये तो सर्वांसाठी काहीतरी खास बनवताना दिसला होता. तैमूरचा हा फोटो चाहत्यांना खूपच आवडला होता (Kareena Kapoor Khan Share Taimur ali khan yoga photo on instagram).

करीनाने सीझेरियन प्रसूतीद्वारे दुसर्‍या मुलाला जन्म दिला आहे. बाळाचे आगमन होण्यापूर्वीच सैफ आणि करीनानेही नवीन घर देखील घेतले होते. काही काळापूर्वी हे जोडपे या घरात राहायला गेले आहेत. करीनाची काळजी घेण्यासाठी सैफने शूटमधून खास रजादेखील घेतली होती. याकाळात सैफ पूर्णपणे करीनाची काळजी घेत होता.

बाळाला मीडियापासून दूर ठेवणारा!

त्याचबरोबर करीना आणि सैफनेही निर्णय घेतला आहे की, ते आपल्या दुसऱ्या मुलाला मीडियापासून दूर ठेवतील. ते आपल्या दुसऱ्या मुलाचा चेहरा माध्यमांसमोर दाखवणार नाही किंवा मुलास मीडियासमोर आणणार नाहीत. वास्तविक, तैमूरच्या काळात झालेल्या चुकांची पुनरावृत्ती दोघांनाही करायची नाही. तैमूर लहानपणापासूनच माध्यमांमध्ये चर्चेत आहे.

काही वेळा तैमूरसुद्धा यावर नाराज दिसला, सैफ आणि करीनासुद्धा मुलाच्या अशाप्रकारे चर्चेत येण्यामुळे त्रस्त झाले होते. तथापि, आता तैमूरला याची सवय झाली आहे. पूर्वी, जेथे तो पापाराझीवर ओरडायचा, आता तो पापाराझींना पोझ देण्यास सज्ज असतो.

‘लालसिंग चड्ढा’मधून करीनाचे पुनरागमन

ब्रेकनंतर करीना आता ‘लालसिंग चड्ढा’ या चित्रपटात दिसणार आहे. या चित्रपटात करीनाबरोबर अभिनेता आमीर खान मुख्य भूमिकेत झळकणार आहे. दोघांनी लॉकडाऊनमध्ये या चित्रपटाचे शूटिंग पूर्ण केले होते.

(Kareena Kapoor Khan Share Taimur ali khan yoga photo on instagram)

हेही वाचा :

Video | एआर रहमानचा आयडॉल कोण? उत्तर मिळालं, मराठमोळ्या अंजलीसाठी सुखद धक्का

PHOTO | आलिया भट्ट नव्हे रणबीर कपूरच्या घरातल्या ‘आलिया कपूर’ची चर्चा, पाहा कोण आहे ‘ही’ व्यक्ती…