AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Vaibhav Sooryavanshi : KBC मध्ये वैभव सूर्यवंशीचा तो प्रश्न अन् आमिर खान, सनी देओल झाले निरुत्तर

कौन बनेगा करोडपतीचा १८ वा सीझन आमिर, प्रीती आणि सनी देओल यांच्या उपस्थितीत सुरू झाला. १ लाख रुपयांच्या एका क्रिकेट प्रश्नाने या तिन्ही स्टार्सना अवाक् केले.

Vaibhav Sooryavanshi : KBC मध्ये वैभव सूर्यवंशीचा तो प्रश्न अन् आमिर खान, सनी देओल झाले निरुत्तर
वैभव सूर्यवंशीचा तो प्रश्न आणि निरुत्तर झाले आमिर- सनी देओल
| Updated on: Aug 11, 2026 | 10:16 AM
Share

‘कौन बनेगा करोडपती..’ महानायकाचा धीरगंभीर आवाज, मोजक्या पण उत्तम शब्दांत केलेलं निवदेन, प्रेक्षकांना बोलतं करण्याची, त्यांना आपलसं करण्याची हातोटी आणि कधीकधी मेंदूचा कस लागतील असे प्रश्न… या सगळ्या कॉम्बिनेशनमुळे उत्तम जमून आलेला हा खेळ. म्हणूनच गेल्या अनेक वर्षांपासून प्रेक्षक आतुरतेने या शोची वाट पहात असतात. नुकतीच ( सोमवार, 10 ऑगस्ट) KBC ला पुन्हा सुरूवात झाली असून यंदा या शोचा 18 वा सीझन घेऊन अमिताभ बच्चन (Amitabh Bachchan) पुन्हा आले आहेत.

‘बंटवारा 1947’ या चित्रपटाच्या स्टारकास्टने यंदा या शोचा शुभारंभ झाला. आमिर खान, प्रीती झिंटा आणि सनी देओल यांच्या उपस्थितीने शोला चार चाँद लागले.  मात्र याच शोमध्ये भाव खाऊन गेला तो उदयोन्मुख क्रिकेटर वैभव सूर्यवंशी. तो काही या शोमध्ये आला नव्हता, पण त्याच्याशी रिलेटेड एका प्रश्नाने या स्टार्सची बोलती बंद झाली. 1 लाखांसाठी विचारलेल्या या प्रश्नाचं उत्तर ना आमिरला माहीत होतं ,ना सनी देओलला. अखेर अभिनेत्री आणि आयपीएलमधील पंजाब किंग्स संघाची को-ओनर प्रीति झिंटाने याचं उत्तरं दिलं, पण ते बरोबर होतं का ?,  काय होता तो सवाल?, चला जाणून घेऊया.

काय होता प्रश्न ?

केबीसीचे होस्ट असलेले अमिताभ बच्चन यांनी आमिर, प्रीती आणि सनी देओल यांना 1 लाख रुपयांसाठी एक प्रश्न विचारला. इंडियन प्रीमिअर लीग 2026 मध्ये ऑरेंज कॅप कोणी जिंकली ? असा तो सवाल होता. त्यानंतर समोरच्या स्क्रीनवर पर्पल कॅपसाठी गुजरात टायटन्सचा वेगवान गोलंदाज कगिसो रबाडा याचा फोटो आला. पुढे विचारण्यात आलं की ऑरेंज कॅपच्या समोर कोणत्या खेळाडूचा फोटो येईल ? केएल राहुल, यशस्वी जयस्वाल, विराट कोहली आणि वैभव सूर्यवंशी, असे चार पर्याय त्यांना देण्यात आले.

मला वाटतं वैभव सूर्यवंशी

तो प्रश्न  ऐकून आमिर खान विचारात पडला. नंतर तो प्रीती झिंटाच्या दिशेने वळला आणि म्हणाला, ‘ यार, हा तर क्रिकेटशी निगडीत प्रश्न आहेत, याचं उत्तर तर तुलाच माहीत असेल.’  त्यानंतर सनी देओल म्हणाला,’ मला तर क्रिकेटबद्दल काहीच माहीत नाही.’ मग अमिताभ बच्चन यांनी पुन्हा सवाल विचारत चारही ऑप्शन्स ऐकवले. पुढे ते प्रीती झिंटाला म्हणाले,  ‘प्रीती तुम्ही तर ( आयपीएल संघाच्या) मालक आहात.’  त्यावर प्रीतीनेही हजरजबाबीपणे उत्तर दिलं, ‘सर पण आम्ही जिंकलो नाही ना..’   पुढे प्रश्नाचा विचार करत ती म्हणाली याचं उत्तर यशस्वी जयस्वाल तर नाहीये, ते ऐकून आमिर म्हणाला, ‘मग केएल राहुल?’ मात्र प्रीती पुढे म्हणाली, ‘नाही, नाही, मला वाटतं योग्य उत्तर आहे वैभव सूर्यवंशी’

आयपीएल 2026 मध्ये वैभव सूर्यवंशीचा बोलबाला

प्रीती झिंटाने हे उत्तर सांगून ते लॉक करायला लावलं आणि तेच उत्तर बरोबर निघालं. उत्तर ऐकताच टाळ्याचा कडकडाट झाला आणि सर्वांच्याच चेहऱ्यावर हास्य उमललं. आयपीएल 2026 मध्ये 15 वर्षांच्या वैभव सूर्यवंशीने धमाल केली. त्याने 16 डांवांत 48.50 च्या सरासरीने 237.30 च्या स्ट्राइक रेटने 776 धावा कुटल्या. त्यामध्ये 1 शतक आणि 5 अर्धशतकांचाही समावेश आहे. याच खेळीमुळे क्रिकेट जगताने, अनेक दिगज्जांनी वैभवची दखल घेतली आणि वैभव सूर्यवंशीला भारतीय संघात खेळण्याची संधी मिळाली. तो भारतासाठी खेळणारा सर्वात युवा खेळाडू बनला आहे.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी