कॉलेजच्या अभ्यासाला कंटाळलेल्या मुलींचं प्रचंड आवडतं गाणं, एकदा आई-वडिलांना ऐकवा

बॉलिवूड इंडस्ट्रीमधील अनेक गाणी सोशल मीडियावर नेहमी चर्चेत असतात. काही जुनी लोकप्रिय गाणी आजही अनेक चाहते सकाळी ऐकताना दिसतात. काही गाण्यांचे सूर मनाला भावतात तर काही गाण्यांचे मजेशीर बोल ऐकून चेहऱ्यावर हसू उमटते. असंच एक भन्नाट राजस्थानी लोकगीत सध्या चर्चेत आलं आहे. कॉलेजच्या अभ्यासाला कंटाळून आईकडे लग्न लावून देण्याची हटके मागणी करणाऱ्या या गाण्याने नेटकऱ्यांचे लक्ष वेधून घेतले आहे.

‘मम्मी, मेरी शादी करदो जून या जुलाई में’ असे या गाण्याचे मजेशीर बोल आहेत. कॉलेजच्या अभ्यासात मन लागत नसल्याने लग्न करून देण्याचा हट्ट या गाण्यातून व्यक्त केला आहे. विशेष म्हणजे, लग्नासाठी जून किंवा जुलै या महिन्यांचीच निवड करण्यात आली आहे. गाण्याची गंमतीशीर शैली आणि बोलचालीतील भाषा यामुळे ते अनेकांना भावत आहे.

आईपासून काका-काकूंपर्यंत सगळ्यांकडे लग्नासाठी हट्ट!

या गाण्यात केवळ आईकडेच नाही तर वडील, ताऊ, काका-काकू, बहीण आणि दाजींकडेही लग्न लावून देण्यासाठी शिफारस करण्याची विनंती केली आहे. कॉलेजच्या अभ्यासापासून सुटका मिळावी आणि लवकर लग्न व्हावे अशी या गाण्यातील व्यक्तीची इच्छा आहे. या हटके कल्पनेमुळे गाण्याला विनोदी रंग आला आहे.

चेतना शर्मा यांच्या आवाजातील गाणे

हे राजस्थानी गाणे चेतना शर्मा यांनी गायले आहे. गाण्याचे संगीत अशोक कुमार बब्बू यांनी दिले असून, त्याचे बोल सुनीता पांचाल यांनी लिहिले आहेत. हे गाणे सात गाण्यांचा समावेश असलेल्या एका अल्बमचा भाग आहे. डिजिटल म्युझिक प्लॅटफॉर्मवर हा अल्बम 29 मे 2025 रोजी प्रदर्शित झाला होता.

सोशल मीडियावरही गाण्याची चर्चा

या गाण्याचे विविध व्हिडीओ यूट्यूब आणि सोशल मीडियावर शेअर केले जात आहेत. गाण्याच्या मजेशीर बोलांमुळे त्यावर रील्स बनवल्या जात आहेत. लग्नसमारंभ आणि मित्रमंडळींच्या कार्यक्रमांमध्येही अशा प्रकारची गाणी वातावरणात रंगत आणतात.

दरम्यान कॉलेजच्या अभ्यासाला कंटाळून आईकडे लग्नासाठी हट्ट करणाऱ्या या राजस्थानी गाण्याची हटके संकल्पना आणि विनोदी अंदाज यामुळे ते सोशल मीडियावर चर्चेचा विषय ठरत आहे.