मेजर चौहान बनलेले नाना पाटेकर, निदर्यीपणे गुंडांचा खातमा करतात, माधुरीचा तो सिनेमा आठवतोय..

अभिनेते नाना पाटेकर यांचे अकाली निधनाने त्यांच्या चाहत्यांवर दु:खाचा डोंगर कोसळला आहे. नानांनी अभिनेत्री माधुरी दीक्षित सोबत केलेला ‘प्रहार’ सिनेमा तुम्ही पाहिलाय का ? या चित्रपटात नाना मेजर प्रताप चौहान बनलेले असतात. या चित्रपटात माधुरी दीक्षित यांनी गौतम जोगळेकर यांच्या सोबत अभिनय केला होता. या सिनेमाला फारसे व्यावसायिक यश मिळालेले नव्हते. या चित्रपटाची कहानी वेगळीच होती. अभिनेत्री माधुर दीक्षित यांना नाना यांना इंस्टाग्राम अकाऊंटवर श्रद्धांजली वाहिली आहे. कसा होता हा चित्रपट वाचूयात…

या चित्रपटाची कथा मेजर प्रताप चौहान यांच्याभोवती फिरत असते. या चित्रपटात ते भारतीय सैन्यातील अत्यंत कडक, शिस्तप्रिय असे कमांडो ट्रेनर दाखवले आहेत. पीटर डिसूझा ( गौतम जोगळेकर ) हा एक कोमल संवेदनशील मनाचा मुलगा सैन्यात भरती होतो. मेजर चौहान पीटर डिसुझा याला अत्यंत कठोर ट्रेनिंग देऊन एक सक्षम कमांडो म्हणून तयार करतात. एका बचाव मोहिमेदरम्यान अतिरेक्यांशी लढताना पीटर गंभीर जखमी होऊन जायबंदी झाल्याने त्याला सैन्यातून निवृत्ती घ्यावी लागते.

मेजर चौहान हे पीटरला भेटण्यासाठी मुंबईत येतात, तेव्हा त्यांना कळते की पीटरची स्थानिक गुंडांनी हत्या केली आहे. जो सैनिक सीमेवर देशाच्या शत्रूंशी लढला, त्याला आपल्याच देशातील काही गुंडांनी संपवले याचा मेजर चौहान यांना मोठा हादरा बसतो. ते पीटरच्या वडिलांना मदतीचा हात देऊ करतात. तिथेच राहून त्यांना आधार द्यावा अशी त्यांची इच्छा असते. तिथे, पीटरची प्रेयसी वाग्दत्त वधू शर्ली ( माधुरी दीक्षित ) हिच्याशी मेजर चौहान यांची भेट होते. त्या गल्लीतील एका किरण ( डिंम्पल ) या विधवेच्या घरीत ते राहातात. पीटरच्या हत्येचे त्याच्या वडिलांसह अनेक नागरिक साक्षीदार असतानाही गुंडांना घाबरुन कोणीही कोर्टात साक्ष द्यायला तयार नसते.. दरम्यान मेजर प्रतात चौहान याला राहाण्यास जागा दिली म्हणून स्थानिक गुंड किरणच्या घरावर हल्ला करतात. त्यामुळे मेजर प्रताप चौहान संतापून या स्थानिक गुंडांचा बदला घेतात आणि त्यांना नष्ट करतात अशी या चित्रपटाची कथा आहे.