Nana Patekar: नाना पाटेकर यांच्या निधनावर मुलगा मल्हारची पहिली प्रतिक्रिया; म्हणाला..

Nana Patekar: हिंदी आणि मराठी चित्रपटसृष्टीतील दमदार अभिनेता, दिग्दर्शक आणि रंगभूमीशी घट्ट नातं असलेले नाना पाटेकर यांचं वयाच्या 75व्या वर्षी निधन झालं. आज (गुरुवार, 8 ऑक्टोबर) सकाळी गोव्यात त्यांनी अखेरचा श्वास घेतला. त्यांच्या निधनाची माहिती मुलगा मल्हार पाटेकरने दिली. नाना पाटेकर यांच्या अचानक जाण्याने मनोरंजनसृष्टीला मोठा धक्का बसला असून चाहते आणि कलाकारांकडून सोशल मीडियावर श्रद्धांजली व्यक्त केली जात आहे. मिळालेल्या माहितीनुसार, नाना पाटेकर यांच्या छातीत तीव्र वेदना जाणवल्यानंतर वैद्यकीय पथकाला त्यांच्या गोव्यातील घरी बोलावण्यात आलं. त्यावेळी ते बेशुद्ध अवस्थेत आढळले. त्यांना तातडीने रुग्णालयात नेण्यात आलं. मात्र डॉक्टरांनी सकाळी 5.20 वाजता त्यांना मृत घोषित केलं. त्यांच्या निधनाचं वृत्त समोर आल्यानंतर संपूर्ण चित्रपटसृष्टीत शोककळा पसरली.

नाना पाटेकर यांचा मुलगा मल्हार पाटेकरने त्यांच्या निधनाच्या वृत्ताला दुजोरा दिला. ही माहिती मिळताच त्यांचं कुटुंब गोव्यासाठी रवाना झालं आहे. काही खासगी कामासाठी नाना गोव्यात होते. त्यांचं पार्थिव दुपारनंतर पुण्यात आणलं जाईल, अशी माहिती मल्हारने दिली. नानांच्या निधनाची माहिती मिळाली तेव्हा मल्हार आणि कुटुंबीय पुण्यात होते. मल्हारने असंही स्पष्ट केलं की, त्याच्याकडे यासंबंधित सविस्तर माहिती नाही. गोव्याला जाऊन संपूर्ण माहिती घेणार असल्याचं त्याने कळवलं आहे.

नाना पाटेकर हे केवळ अभिनेता नव्हते, तर त्यांनी आपल्या अभिनयाच्या जोरावर भारतीय सिनेसृष्टीत वेगळी ओळख निर्माण केली होती. गंभीर भूमिका असो, खलनायक असो किंवा विनोदी व्यक्तिरेखा, प्रत्येक भूमिकेला स्वतःची छाप देण्याची त्यांची खास शैली होती. ‘परिंदा’, ‘क्रांतिवीर’, ‘अग्निसाक्षी’, ‘खामोशी: द म्युझिकल’, ‘तिरंगा’, ‘अपहरण’, ‘राजनीती’ आणि ‘वेलकम’ यांसारख्या चित्रपटांमधील त्यांच्या भूमिका आजही प्रेक्षकांच्या स्मरणात आहेत.

नाना पाटेकर यांनी आपल्या कारकिर्दीत अभिनयासोबतच दिग्दर्शन आणि लेखनही केलं. ‘प्रहार: द फायनल अटॅक’ या चित्रपटातून त्यांनी दिग्दर्शनाच्या क्षेत्रात पाऊल ठेवलं. त्यांच्या अभिनयासाठी त्यांना राष्ट्रीय चित्रपट पुरस्कारासह अनेक प्रतिष्ठित पुरस्कारांनी गौरवण्यात आलं होतं. नाना पाटेकर यांच्या आयुष्यात रंगभूमीचं स्थान विशेष होतं. काही दिवसांपूर्वी गोव्यातील एका कार्यक्रमात बोलताना त्यांनी नट होण्याचा आपला प्रवास सांगितला होता. सुलभाताईंमुळे आपल्याला रंगमंचावर येण्याची संधी मिळाली आणि पहिल्याच नाटकाला पुरस्कार मिळाल्यानंतर आपण अभिनयालाच आयुष्य समर्पित करण्याचा निर्णय घेतला, अशी आठवण त्यांनी सांगितली होती.