178 कोटींहून अधिक व्ह्यूज, अनेक वर्षानंतरही हे गाणं प्रचंड ट्रेंडमध्ये, बोल्ड अदा पाहून…
178 कोटींहून अधिक व्ह्यूज. गेल्या अनेक वर्षांपासून यूट्यूबवर ट्रेंड करत आहे गाणं. ज्यामध्ये अभिनेता आणि अभिनेत्रीने ओलांडल्या बोल्डनेसच्या सर्व मर्यादा.
भोजपुरी चित्रपटसृष्टीत काही जोड्या अशा असतात, ज्या काळ बदलला तरी प्रेक्षकांच्या मनातून कधीच जात नाहीत. अशाच सर्वाधिक लोकप्रिय आणि चर्चेत राहिलेल्या जोड्यांपैकी एक म्हणजे भोजपुरी इंडस्ट्रीचा पॉवरस्टार पवन सिंह आणि अभिनेत्री अक्षरा सिंह यांची जोडी. आज वैयक्तिक आयुष्यात दोघांमध्ये दुरावा आणि कटुता असली तरी त्यांच्या जुन्या गाण्यांची जादू आजही चाहत्यांवर कायम आहे. सध्या या जोडीचे सुपरहिट गाणे ‘पिपरवा के तरवा’ यूट्यूबवर पुन्हा जोरदार ट्रेंड होत असून चाहत्यांकडून त्याला मोठा प्रतिसाद मिळत आहे.
एक काळ असा होता की भोजपुरी सिनेसृष्टीत पवन सिंह आणि अक्षरा सिंह यांच्या केमिस्ट्रीची जबरदस्त चर्चा व्हायची. दोघांनी अनेक चित्रपट आणि गाण्यांमध्ये एकत्र काम केले. पडद्यावरचा त्यांचा रोमँटिक अंदाज प्रेक्षकांना प्रचंड आवडायचा. त्यांच्या गाण्यांमधील जवळीक आणि रोमान्स पाहून चाहत्यांमध्येही या जोडीबद्दल वेगळीच क्रेझ निर्माण झाली होती.
काम करताना दोघांमधील जवळीक वाढल्याच्या चर्चा देखील मोठ्या प्रमाणावर रंगल्या होत्या. मात्र पुढे काही कारणांमुळे दोघांमध्ये मतभेद निर्माण झाले आणि नात्यात कटुता आली. परिस्थिती इतकी बदलली की आज दोघे एकमेकांसोबत स्क्रीन शेअर करणेही टाळतात असे बोलले जाते.
‘पिपरवा के तरवा’ गाण्याची पुन्हा जोरदार चर्चा
दोघांमधील वाद असूनही त्यांच्या जुन्या गाण्यांची लोकप्रियता अजिबात कमी झालेली नाही. भोजपुरी चित्रपट ‘त्रिदेव’मधील ‘पिपरवा के तरवा’ हे गाणे याचे सर्वात मोठे उदाहरण मानले जात आहे.
या गाण्यात पवन सिंह आणि अक्षरा सिंह यांच्यातील रोमँटिक केमिस्ट्री प्रेक्षकांना विशेष भावत आहे. गाण्यातील दोघांचा दमदार अभिनय, रोमँटिक सीन आणि ऊर्जा यामुळे चाहते हे गाणे पुन्हा पुन्हा पाहत आहेत.
यूट्यूबवर कोट्यवधी व्ह्यूज
हे गाणे प्रसिद्ध यूट्यूब प्लॅटफॉर्म ‘वेब म्युझिक’वर अपलोड करण्यात आले होते. रिलीज होऊन अनेक वर्षे उलटून गेल्यानंतरही या गाण्याची लोकप्रियता कायम आहे. उपलब्ध माहितीनुसार, या गाण्याने यूट्यूबवर तब्बल 178 कोटींहून अधिक व्ह्यूज मिळवत मोठा विक्रम नोंदवला आहे.
सोशल मीडियावरही या गाण्याचे क्लिप्स मोठ्या प्रमाणावर व्हायरल होत आहेत. चाहत्यांकडून कमेंट्स आणि शेअर्सचा पाऊस पडत असून, अनेकजण या जोडीला पुन्हा एकत्र पाहण्याची इच्छा व्यक्त करत आहेत.
