रामूला मोठा झटका, कलाकारांचे कोट्यवधी थकवल्याप्रकरणी संघटनेची मोठी कारवाई!

मुंबई : फेडरेशन ऑफ वेस्टर्न इंडिया सिने एम्प्लॉयज (एफडब्लूआइसीई) ने एका बैठकीत निर्णय घेतला आहे की, फेडरेशनच्या 32 संघटनांपैकी कोणतीही संघटना निर्माते आणि दिग्दर्शक राम गोपाल वर्मा (Ram Gopal Varma) यांच्याशी कुठल्याही प्रकारचे संबंध ठेवणार नाहीत. या संघटनेचे सदस्य देशामध्ये कुठल्याही भागात राम गोपाल वर्मा यांच्यासोबत काम करणार नाहीत. राम गोपाल वर्मा यांच्यावर आरोप आहे की, त्यांनी चित्रपटाशी संबंधित कलाकार, टेक्नीशियन आणि कामगारांची सुमारे 1.25 कोटी रुपयांची थकबाकी दिली नाही. (Ram Gopal Varma did not pay Rs 1.25 crore to artists and technicians)

महासंघाचे अध्यक्ष बीएन तिवारी, सरचिटणीस अशोक दुबे आणि कोषाध्यक्ष गंगेश्वरलाल श्रीवास्तव यांच्या म्हणण्यानुसार त्यांनी राम गोपाल वर्मा यांना या संदर्भात कायदेशीर नोटीस पाठविली आहे. परंतु राम गोपाल वर्मा यांनी नोटीसीला कोणतेही उत्तर दिले नाही. 17 सप्टेंबर 2020 रोजी राम गोपाल वर्मा यांना एफडब्लूआइसीई एक पत्र लिहिले होते. ज्यात कुठल्या कामगाराचे किता पैसे या संदर्भात संपूर्ण माहिती देण्यात आली होती.

तसेच एफडब्लूआइसीई संघटनेने या संदर्भात राम गोपाल वर्मा यांना अनेक वेळा पत्र लिहिले होते मात्र, त्यांनी ते पत्र घेण्यासही नकार दिला. फेडरेशनचे अध्यक्ष बीएन तिवारी म्हणाले की, आम्हाला काही दिवसांपूर्वी समजले होते की, कोरोना काळात देखील राम गोपाल वर्मा त्यांच्या एका चित्रपटाचे शूटिंग गोव्यात सुरू आहे. त्यावर आम्ही 10 सप्टेंबर 2020 रोजी गोव्याच्या मुख्यमंत्र्यांनाही पत्र लिहिले होते.

राम गोपाल वर्मा यांनी गरीब टेक्नीशिय, कलाकार आणि कामगार यांची थकबाकी द्यावी अशी आमची इच्छा आहे. पण राम गोपाल वर्मा थकबाकी देण्यास टाळाटाळ करत आहेत. राम गोपाल वर्मा यांनी सत्या, रंगीला, राम गोपाल वर्मा की आग, कंपनी, सरकार, निःशब्द,भूत, दौड़ या सारखे हिट चित्रपट तयार केले आहेत.

संबंधित बातम्या : 

Ranbir Kapoor | लव्ह रंजन चित्रपटाच्या शूटिंगसाठी रणबीर कपूर दिल्लीत, चाहत्यांकडून जंगी स्वागत!

Kangana Ranaut | मुंबई हायकोर्टाची सुनावणी, कंगना-रंगोलीला पुन्हा एकदा तात्पुरता दिलासा

(Ram Gopal Varma did not pay Rs 1.25 crore to artists and technicians)