Sign In

By signing in or creating an account, you agree with Associated Broadcasting Company's Terms & Conditions and Privacy Policy.

बॉलिवूडमध्ये यायची एवढी घाई का? सेटवर बोर्डाच्या परीक्षेची तयारी करणारी रवीना टंडनची लेक ट्रोल

रवीना टंडनची मुलगी राशा थडानी लवकरच बॉलिवूडमध्ये पदार्पण करणार आहे. त्यापूर्वी पहिल्यावहिल्या चित्रपटाच्या सेटवरील तिचा व्हिडीओ व्हायरल झाला आहे. या व्हिडीओमध्ये ती शूटसाठी तयार होत असतानाच अभ्यास करताना दिसतेय.

बॉलिवूडमध्ये यायची एवढी घाई का? सेटवर बोर्डाच्या परीक्षेची तयारी करणारी रवीना टंडनची लेक ट्रोल
Rasha ThadaniImage Credit source: Instagram
Follow us
| Updated on: Jan 09, 2025 | 12:13 PM

अभिनेत्री रवीना टंडनची मुलगी राशा थडानी बॉलिवूडमध्ये पदार्पण करण्यासाठी सज्ज झाली आहे. अजय देवगणची मुख्य भूमिका असलेल्या ‘आझाद’ या चित्रपटातून ती अभिनयक्षेत्रात पहिलं पाऊल ठेवतंय. या चित्रपटाचा ट्रेलर आणि त्यातील गाण्यांमध्ये राशाने चांगलीच छाप सोडली आहे. तिचं पहिलं गाणंसुद्धा सोशल मीडियावर तुफान हिट होतंय. राशाचा डान्स आणि तिचे हावभाव पाहून ती सर्व स्टारकिड्सना तगडी टक्कर देणार असल्याचं म्हटलं जात आहे. अशातच राशाचा एक व्हिडीओ सध्या सोशलम मीडियावर चर्चेत आहे. या व्हिडीओमध्ये एकीकडे शूटसाठी राशाचं मेकअप सुरू आहे, तर दुसरीकडे ती समोर पुस्तक ठेवून अभ्यास करताना दिसतेय. यावर नेटकऱ्यांकडून विविध प्रतिक्रिया येत आहेत.

सोशल मीडियावर व्हायरल होत असलेल्या या व्हिडीओमध्ये एकीकडे राशा तिच्या शूटिंगसाठी तयार होत आहे, तर दुसरीकडे ती बारावीच्या बोर्डाच्या परीक्षेसाठीही तयारी करत असल्याचं दिसून येत आहे. मेकअप आर्टिस्ट आणि हेअरस्टायलिस्ट राशाला सीनसाठी तयार करत आहेत. त्याचवेळी शूटिंगच्या कपड्यांमध्ये आरशासमोर बसलेली राशा लक्ष केंद्रीत करून अभ्यास करताना दिसतेय. जी व्यक्ती तिचा व्हिडीओ शूट करते, तिच तिला विचारते की, “राशा तू शूटिंगसाठी तयार आहेस का? तू हे काय करतेय?” तेव्हा राशा हळूच कॅमेरात बघून हसते आणि सांगते, “मी अभ्यास करतेय.” हे ऐकून ती व्यक्ती आश्चर्य व्यक्त करत म्हणते, “तुझ्या शॉटसाठी जाण्याआधी अभ्यास करतेय का?” त्यावर राशा सांगते, “माझ्या बोर्डाच्या परीक्षेसाठी फक्त दहा दिवस उरले आहेत. मी भूगोल वाचतेय.”

हे सुद्धा वाचा

हा व्हिडीओ पाहून काही नेटकरी राशाच्या मेहनतीचं कौतुक करत आहेत. तर काहींनी तिची खिल्लीसुद्धा उडवली आहे. ‘असं वाटतंय अभ्यास करण्याचंही अभिनय करतेय’, असं एकाने लिहिलंय. तर ‘ही बारावीत आहे असं वाटत नाही. असं वाटतंय की तिने ग्रॅज्युएशन पूर्ण केलंय’, असं दुसऱ्याने म्हटलंय. ‘इंडस्ट्रीतत यायची इतकी घाई का आहे? आधी शिक्षण तरी पूर्ण कर’, असा सल्ला नेटकऱ्यांनी राशाला दिला. राशाचा पहिला चित्रपट ‘आझाद’ हा येत्या 17 जानेवारी रोजी थिएटरमध्ये प्रदर्शित होणार आहे. अभिषेक कपूर दिग्दर्शित या चित्रपटात राशासोबत अमन देवगणसुद्धा भूमिका साकारणार आहे.

VIDEO : 'बोललं की माझं तोंड दिसतं', अजितदादांनी बांधकाम विभागाला झापलं
VIDEO : 'बोललं की माझं तोंड दिसतं', अजितदादांनी बांधकाम विभागाला झापलं.
सरपंच हत्या प्रकरणातील फरार आरोपी कृष्णा आंधळेची संपत्ती जप्त होणार?
सरपंच हत्या प्रकरणातील फरार आरोपी कृष्णा आंधळेची संपत्ती जप्त होणार?.
नाराजीच्या चर्चांनंतर भास्कर जाधव म्हणाले, 'पण ही वस्तुस्थिती...'
नाराजीच्या चर्चांनंतर भास्कर जाधव म्हणाले, 'पण ही वस्तुस्थिती...'.
मुंडेंविरोधात सुरेश धस पुन्हा आक्रमक, कृषी विभागाच्या सचिवाला थेट पत्र
मुंडेंविरोधात सुरेश धस पुन्हा आक्रमक, कृषी विभागाच्या सचिवाला थेट पत्र.
बापरे... भरधाव शिवशाही बसचं पुढचं टायर निघालं, 50 हून अधिक प्रवासी...
बापरे... भरधाव शिवशाही बसचं पुढचं टायर निघालं, 50 हून अधिक प्रवासी....
'लाडकी बहीण'बाबत सरकारचा मोठा निर्णय, 'या' लाभार्थीना योजनेतून वगळणार
'लाडकी बहीण'बाबत सरकारचा मोठा निर्णय, 'या' लाभार्थीना योजनेतून वगळणार.
'ये दादा का स्टाईल है...', माझाच भाऊ माझ्या सोबत नाही -अजित पवार
'ये दादा का स्टाईल है...', माझाच भाऊ माझ्या सोबत नाही -अजित पवार.
'इतना हंगामा क्यों...', धनंजय मुंडे यांच्या भेटीवरून सुरेश धसांचा सवाल
'इतना हंगामा क्यों...', धनंजय मुंडे यांच्या भेटीवरून सुरेश धसांचा सवाल.
सुरेश धसांनी गेम केला की त्यांचाच गेम झाला? सापळा रचणारा व्यक्ती कोण?
सुरेश धसांनी गेम केला की त्यांचाच गेम झाला? सापळा रचणारा व्यक्ती कोण?.
ठाकरेंच्या भास्कर जाधवांची नाराजी उघड, उदय सामंतांची थेट ऑफर अन्...
ठाकरेंच्या भास्कर जाधवांची नाराजी उघड, उदय सामंतांची थेट ऑफर अन्....