सुपरस्टार अभिनेत्याचे कठोर व्रत; चित्रपटाच्या यशासाठी 41 दिवस अनवाणी,फक्त काळे कपडे घातले, मिळाला थेट ऑस्कर
चित्रपटाच्या यशासाठी एका अभिनेत्याने कडक व्रत ठेवलं होतं. तो चक्क 41 दिवस अनवाणी फिरत होता तसेच त्याने फक्त काळे कपडे घातले. भगवान अयप्पा यांची ती साधना होती.पण त्याच्या चित्रपट फक्त हीट ठरला नाही तर त्याच्या चित्रपटाला ऑस्करही मिळाला. कोण आहे हा अभिनेता?
जेव्हा चित्रपट रिलीज होणार असतो तेव्हा तो प्रेक्षकांच्या पसंतीस उतरेल की नाही, चित्रपटाला यश मिळेल की नाही याबाबत सर्वच कलाकारांना चिंता असते. एवढंच नाही तर आपल्या चित्रपटाला पुरस्कार मिळावा ही तर संपूर्ण टीमची इच्छा असते. त्यातल्या त्यात ऑस्कर हा चित्रपट जगतातील सर्वात मोठा पुरस्कार मानला जातो. त्याबद्दल तर प्रत्येक कलाकार स्वप्न पाहत असतो.
अभिनेत्याची चित्रपटाच्या यशासाठी कठीण उपासना
आपल्या चित्रपटाच्या यशासाठी कलाकार देवाकडेही मनोभावे प्रार्थना करतात. काहीजण उपवास करतात, काही जण मोठ्या धार्मिक स्थळी जाऊन परमेश्वरासमोर नतमस्तक होतात. अशाच एका अभिनेत्याने त्याच्या चित्रपटाच्या यशासाठी कठीण उपासना केली होती. त्याने व्रत ठेवलं होतं त्यासाठी तो तब्बल 41 दिवस अनवाणी फिरत होता. अखेर त्याचं गाऱ्हाणे देवाने ऐकले आणि त्याच्या चित्रपटाला ऑस्कर मिळाला असं भरभरून यश मिळालं.
कडक व्रत ठेवलं
हा चित्रपट म्हणजे साउथचा ब्लॉकबस्टर चित्रपट ‘आरआरआर’ आणि ज्याने यासाठी कडक व्रत ठेवलं होतं तो अभिनेता म्हणजे त्यात मुख्य भूमिका साकारणारा प्रसिद्ध अभिनेता राम चरण. राम चरणने त्याच्या कारकिर्दीत एकामागून एक हिट चित्रपट दिले. मात्र त्याला खरं यश एसएस राजामौली यांच्या ‘आरआरआर’ चित्रपटाद्वारे मिळाले.
View this post on Instagram
व्रतात 41 दिवस अनवाणी आणि फक्त काळे कपडे घालायचे
चित्रपटाच्या यशासाठी त्याने कठोर साधना आणि तपस्या केली होती. तो 41 दिवस अनवाणी राहिला आणि तो फक्त काळे कपडे घालत होता. राम चरण हे भगवान अयप्पा यांचा महान भक्त आहे. अनेक लोक 41 दिवस भगवान अय्यप्पाची कठोर साधना करतात. यामध्ये साधकाला 41 दिवस अनवाणी राहावे लागते. शाकाहारी जेवण घ्यावे लागते आणि फक्त काळ्या रंगाचे कपडे घालावे लागतात. याशिवाय, इतर अनेक कठोर नियमांचे पालन करावे लागते.
41 दिवसांनंतर, केरळमधील सबरीमाला येथील अयप्पा स्वामी मंदिरात जाऊन भक्तांना साधना पूर्ण करावी लागते. आरआरआरच्या रिलीजच्या वेळी, राम या साधनेत होता. एका रिपोर्टनुसार राम चरण वयाच्या 20 व्या वर्षापासून ही साधना करत आहेत आणि तो वर्षातून दोनदा त्यात भाग घेतो.
View this post on Instagram
2023 मध्ये ऑस्कर जिंकला
राम चरणसोबत ज्युनियर एनटीआर, आलिया भट्ट आणि अजय देवगण यांसारख्या कलाकारांनीही ‘आरआरआर’मध्ये काम केले होते. या चित्रपटाने जगभरात 1250 कोटी रुपये कमावले तसेच या चित्रपटाने 2023 मध्ये ‘नातू नातू’ या गाण्यासाठी ‘सर्वोत्कृष्ट मूळ गाणे’ श्रेणीत ऑस्कर जिंकला.
