घटस्फोटाच्या अफवांमध्ये ऐश्वर्या आणि अभिषेकच्या लग्नाबद्दल सलमान खानची प्रतिक्रिया व्हायरल
ऐश्वर्या राय हिने जरी अभिषेक बच्चन सोबत लग्न केले असले तरी आजही सलमान आणि ऐश्वर्या यांच्या नात्याबद्दल खूप चर्चा होते. दोघांची प्रेमकहाणी सुरु झाली तेव्हा ते चर्चेत आले आणि आजही ते चर्चेत असतात. सध्या ऐश्वर्या आणि अभिषेक यांच्या घटस्फोटाच्या चर्चा आहेत. यादरम्यान सलमानची एक प्रतिक्रिया व्हायरल होत आहे.
ऐश्वर्या राय बच्चन आणि अभिषेक बच्चन यांच्या नात्यात सध्या दुरावा आला असल्याची चर्चा आहे. त्यांचा विवाह 2007 मध्ये झाला होता. लग्नानंतर अनेक वर्ष एकत्र राहिल्यानंतर आता दोघेही वेगळे राहत असल्याचं बोललं जातंय. त्यांना आराध्या ही एक मुलगी आहे. गेल्या काही महिन्यांपासून अभिषेकचे अभिनेत्री निम्रत कौरसोबत अफेअर असल्याची बातमीही सोशल मीडियावर पसरली होती. या सगळ्यात काही चाहत्यांनी ऐश्वर्या आणि सलमान खानची जुनी गोष्ट जोडलीये. २० वर्षापूर्वी ही जोडी वेगळी झाली होती. त्यांच्या ब्रेकअपचे कारण अनेकदा चर्चेचा मुद्दा बनते.
‘हम दिल दे चुके सनम’च्या शूटिंगदरम्यान सलमान खान आणि ऐश्वर्या राय जवळ आले होते, एका मुलाखतीदरम्यान सोमी अलीने शेअर केले की शूटिंगदरम्यान सलमान आणि ऐश्वर्या जवळ आले होते. सोमी अली त्यावेळी सलमानसोबत रिलेशनशिपमध्ये होती, तिने खुलासा केला की, सलमानच्या घरातील नोकर तिला ऐश्वर्याच्या उपस्थितीची माहिती देत असत. त्यानंतर तिने सलमानसोबतचे नाते संपवले होते.
अभिषेक बच्चनला डेट करण्यापूर्वी ऐश्वर्या राय सलमानसोबत प्रेमसंबंधात होती. पण 2002 मध्ये त्यांचे ब्रेकअप झाले. ते वेगळे का झाले याबद्दल विविध चर्चा होतात. दोघांनीही त्यांच्या डेटिंग लाइफबद्दल कधीही उघड केले नाही. सलमानने ऐश्वर्याला मारहाण केल्याची अफवा पसरवण्यात आली होती.
View this post on Instagram
२०१० मध्ये एका टीव्ही शोमध्ये सलमानने एकदा ऐश्वर्या आणि अभिषेकच्या लग्नाबद्दल प्रतिक्रिया दिली होती. अभिनेत्याने हात वर केले आणि सांगितले की त्याला काय बोलावे ते कळत नाही. एखाद्याचे वैयक्तिक जीवन ही व्यक्तीची खाजगी बाब आहे. सलमानने सांगितले की, या प्रकरणावर काहीही न बोलणे आणि शांत राहणे हीच सर्वात चांगली गोष्ट आहे. ऐश्वर्या आता कोणाची तरी बायको आहे आणि त्याला त्याबाबत आनंद आहे. अभिषेक हा एक महान माणूस आहे. जेव्हा नातेसंबंध संपुष्टात येतात, तेव्हा आपल्या जोडीदाराने दुःखी व्हावे असे वाटत नाही; त्याऐवजी, त्यांना आनंदी हवे.
ऐश्वर्या आणि अभिषेकच्या विभक्त होण्याच्या अफवा तेव्हापासून सुरू झाल्या जेव्हा दोघांनी अंबानीच्या लग्नाला स्वतंत्रपणे हजेरी लावली. अभिषेक बच्चन आणि बच्चन कुटुंबाने देखील ऐश्वर्याला ऑक्टोबर 2024 मध्ये तिच्या वाढदिवशी शुभेच्छा दिल्या नाहीत. या सगळ्यामध्ये सलमान खान अभिषेक बच्चनचे कौतुक करतानाचा व्हिडिओ पुन्हा समोर आला आणि झपाट्याने व्हायरल झाला.
