विकी जैन आणि अंकिता लोखंडे यांना एकत्र झोपू देण्यास सना खान हिचा विरोध, थेट मध्यरात्री जोरदार भांडणे

मुंबई : बिग बॉस 17 च्या घरात कधी कोणती नाते बदलतील हे सांगणे फार जास्त कठीण आहे. कारण बिग बॉस 17 च्या घरात पती आणि पत्नीमध्ये देखील मोठे हंगामे होताना दिसले आहेत. नुकताच आता सना रईस खान, विकी जैन आणि अंकिता लोखंडे यांच्यामध्ये मोठा वाद झालाय. थेट मध्यरात्री यांच्यामध्ये वाद झाला. त्याचे झाले असे की, थेट सना रईस खान हिने अंकिता लोखंडे आणि विकी जैन यांना एका बेडवर झोपण्यास मनाई केली. डबल बेडवर झोपण्यावरून हा वाद होताना दिसला आहे. अंकिता लोखंडे आणि विकी जैन यांच्या रूम आता वेगवेगळ्या आहेत.

विकी जैन हा दिमागच्या रूममध्ये शिफ्ट झालाय, तर अंकिता लोखंडे ही दिलवाल्या रूममध्ये आहे. मात्र, असे असताना देखील दिमागच्या रूममध्ये विकी जैन याच्यासोबत झोपण्यासाठी येत. मात्र, आता थेट डबल बेड यांना झोपण्यासाठी देण्यास सना हिने मनाई केलीये. यामुळेच यांच्यामध्ये मोठा वाद होताना दिसेल. हा वाद टोकाला जाताना दिसतोय.

सना रईस खान ही म्हणाली की, मला सिंगल बेडवर झोपले की, त्रास होत आहे. मी ज्या सिंगल बेडवर झोपत आहे, तिथे लाईट खूप जास्त आहे, याचा मला त्रास होतो. मला डबल बेडवरच झोपायचे आहे. मी किती दिवसांपासून सिंगल बेडवर झोपत आहे. यावरून विकी जैन हा सना हिला भांडताना दिसत आहे. यावेळी अंकिता ही देखील सना हिला समजवताना दिसत आहे.

सना हिला अंकिता लोखंडे ही म्हणते की, मला आणि विकीला आजच्या दिवस झोपू दे…उद्यापासून मीच येत नाही. आजच्या दिवस झोपू दे…मात्र, सना ही अंकिता लोखंडे हिचे काहीच ऐकत नाही. यानंतर सना विकी याला म्हणते की, इतके दिवस झोपू दिले त्याचे काहीच नाही. माझे आभार मानायचे सोडून एक दिवस नाही म्हटले की, भांडत आहात. काय लोक आहेत.

एकीकडे बिग बाॅस 17 मध्ये सना रईस खान आणि विकी जैन यांची जवळीकता वाढताना दिसत आहे. याचे काही व्हिडीओही व्हायरल होताना दिसले. सना आणि विकी जैन यांनी एकमेकांचे हात पकडल्याचे दिसत होते. मात्र, इतर वेळी यांच्यामध्ये मोठी भांडणे होताना दिसतात. सना ही बिग बाॅस 17 मधील सर्वाधिक चर्चेत असलेली स्पर्धेक आहे.