शाहरुख खानच्या प्रकृतीबद्दल मोठी अपडेट समोर, उपचारासाठी जाणार परदेशात
Shah Rukh Khan Health Update : शाहरुख खान याला झालं तरी काय? प्रकृतीबद्दल मोठी अपडेट समोर, किंग खान पुढील उपचारासाठी जाणार परदेशात..., चाहत्यांकडून चिंता व्यक्त... सध्या सर्वत्र फक्त आणि फक्त शाहरुख खान याच्या प्रकृतीची चर्चा...
बॉलिवूडचा किंग खान अर्थात अभिनेता शाहरुख खान याच्या प्रकृतीबद्दल मोठी माहिती समोर येत आहे. अभिनेत्याच्या प्रकृतीची माहिती समोर येताच चाहत्यांनी देखील काळजी व्यक्त केली आहे. सध्या सर्वत्र फक्त आणि फक्त शाहरुख याच्या प्रकृतीची चर्चा रंगली आहे. एवढंच नाही तर, अभिनेता पुढील उपचारांसाठी अमेरिकेत जाणार असल्याची माहिती देखील समोर येत आहे. मंगळवारी शाहरुख खान उपचारासाठी अमेरिकेत जाणार आहे. अभिनेता डोळ्यांच्या उपचारासाठी अमेरिकेत जाणार आहे. त्यामुळे भीतीचं आणि काळजी करण्याचं काही कारण नाही असं देखील सांगण्यात येत आहे. मिळालेल्या माहितीनुसार, शाहरुख याच्यावर मुंबईत रुग्णालयात उपचार सुरु होते. पण काही गोष्टी ठरल्यानुसार न झाल्यामुळे शाहरुख खान अमेरिकेत रवाना होणार असल्याची माहिती मिळत आहे.
रिपोर्टनुसार, शाहरुख खान डोळ्यांच्या उपचारासाठी सोमवारी म्हणजे 29 जुलै रोजी मुंबई येथील एक रुग्णालयात गेला. पण उपचार ठरल्यानुसार न झाल्यामुळे अभिनेता अमेरिकेत जाणार आहे. सध्या सर्वत्र शाहरुख खान याच्या प्रकृतीचा चर्चा रंगली आहे .
सांगायचं झालं तर, मुलाखतीत शाहरुख खान याने मोठं वक्तव्य केलं होतं. ‘2024 मध्ये सिनेमांच्या सेटवर पुन्हा पदार्पण करण्यासाठी योजना आखल्या आहेत. सर्वकाही ठरलेलं आहे.’ दरम्यान किंग खान छोटा ब्रेक घेतला. गेल्या वर्षी डिसेंबर महिन्यात अभिनेत्याचा ‘डंकी’ सिनेमा प्रदर्शित झाला होता. त्याआधी अभिनेता ‘पठाण’ आणि ‘जवान’ सिनेमाच्या माध्यमातून चाहत्यांच्या भेटीस आला होता.
View this post on Instagram
शाहरुख खान म्हणाला होता, ‘मला असं वाटतं थोडी विश्रांती घ्यायला हवी… मी 3 सिनेमांमध्ये काम केलं आहे. सिनेमात अनेक सीनमध्ये शारीरिक काम होते. त्यामुळे मी टीमला सांगून ठेवलं होतं की मी मॅच पाहायला जाणार आहे आणि शुटिंग जुलै किंवा ऑगस्टमध्ये करेल.. ‘ असं अभिनेता म्हणाला होता.
शाहरुख खान याच्या आगामी सिनेमांबद्दल सांगायचं झालं तर, अभिनेता ‘किंग’ सिनेमाच्या माध्यमातून चाहत्यांच्या भेटीस येणार आहे. सिनेमात शाहरुख पहिल्यांचा लेक सुहाना खान हिच्यासोबत स्क्रिन शेअर करताना दिसणार आहे. चाहते देखील शाहरुख खान आणि सुहाना खान यांना एकत्र मोठ्या पडद्यावर पाहाण्यासाठी उत्सुक आहेत.
शाहरुख खान याचे सिनेमे पाहण्यासाठी चित्रपटगृहात चाहत्यांची गर्दी जमलेली असते. शिवाय सोशल मीडियाच्या माध्यमातून देखील किंग खान कायम चाहत्यांच्या संपर्कात राहण्याचा प्रयत्न करत असतो.
